Lajme

Sllovakia pasi i porosit, pretendon ndërrim të vaksinës ruse Sputnik V


Sllovakia, të enjten e 8 prillit, një nga vendet e pakta në Evropë që porositi vaksinën Sputnik V, tha se dozat e vaksinës Sputnik V që mori “nuk kishin të njëjtat karakteristika dhe veti”.

Një deklaratë nga rregullatori i barnave të Sllovakisë duke vënë në dyshim vaksinën ruse sugjeroi probleme potencialisht serioze të kontrollit të cilësisë në prodhimin e Sputnik V.

Ky progres është mbështetur kryesisht në një artikull të vlerësuar nga kolegët e botuar në The Lancet në shkurt që i dha vaksinës ruse një ndihmë të madhe.

Ai tha që Sputnik V kishte një normë efikasiteti prej 91.6% kundër Covid-19. Një mbështetje që Moska ka përdorur për të rritur besimin në vaksinë dhe për të forcuar dorën e Kremlin-it në diplomacinë e vaksinave.

Rregullatori i Sllovakisë, Instituti Shtetëror për Kontrollin e Barnave, sidoqoftë, tha në një deklaratë se dozat e vaksinave të importuara në vendin e Evropës Lindore “nuk kishin të njëjtat karakteristika dhe veti” si versioni i Sputnik V i rishikuar nga The Lancet.

Fondi Rus i Investimeve Direkt, një fond sovran i pasurisë që financoi zhvillimin e Sputnik V dhe ka udhëhequr një nxitje për përdorimin e tij jashtë vendit, nuk adresoi thelbin e deklaratës së agjencisë Sllovake por e hodhi poshtë atë si “dezinformim” dhe “lajme të rreme”.

Në një seri mesazhesh shpërfillëse në media sociale Twitter, fondi akuzoi agjencinë rregullatorë shtetërore për kryerjen e një “akti sabotimi”. Me pretendimin se Sllovakia kishte shkelur kushtet e kontratës së saj dhe duke kërkuar që dozat të ktheheshin.

Mosmarrëveshja pasoi një betejë të egër politike në Sllovaki që filloi muajin e kaluar kur kryeministri, Igor Matovic, i cili u detyrua të largohej javën e kaluar, njoftoi se ai kishte negociuar një marrëveshje të fshehtë me Rusinë për 200 mijë doza të Sputnik V.

Marrëveshja zemëroi anëtarët e tjerë të një qeverie të brishtë të koalicionit, të cilët akuzuan Matoviç se i nënshtrohej një “mjeti rus të luftës hibride” dhe ndarjen e Bashkimit Evropian (BE), anëtar i të cilit është Sllovakia.

Matoviç, u takua të enjten në Moskë me Kirill Dmitriev, kreu i Fondit Rus të Investimeve Direkt.

Fondi, në një mesazh të postuar në Twitter, tha se “mbetet i përkushtuar për të ndihmuar popullin e Sllovakisë me vaksinimin nga Sputnik V”.

po ashtu Fondi i kishte dërguar një letër më 6 prill duke kërkuar Sllovakinë “të kthente vaksinën për shkak të shkeljeve të shumta të kontratës në mënyrë që të mund të përdoret nga vende të tjera”.

Deklarata sllovake mund të dëmtojë përpjekjet e Rusisë për të vendosur Sputnik V si një markë të besueshme.

Kjo gjithashtu mund të përkeqësojë dyshimet e mbetura të lëna nga përhapja shumë e politizuar e vaksinës në Rusi, ku presidenti Vladimir Putin njoftoi se doza ishte gati për përdorim në gusht, para se të kishin mbaruar provat klinike.

Si paraqitet situata e vaksinës Sputnik V

Rregullatori i BE-së, Agjencia Evropiane e Barnave (EMA), deri më tani ka refuzuar të miratojë vaksinën ruse për përdorim dhe vetëm dy anëtarë të bllokut, Hungaria dhe Sllovakia, kanë porositur Sputnik V.

Serbia, e cila nuk është anëtare e bllokut, gjithashtu ka porositur Sputnik V. Si dhe ka filluar ta përdorë atë në një program inokulimi masiv që ka qenë shumë më i suksesshëm se përpjekjet penguese të shumicës së shteteve të BE-së.

Edhe Gjermania, ka shprehur interes në rritje për Sputnik V.

Ministri i Shëndetësisë Jens Spahn ka deklaruar se ai do të donte të fillonte bisedime dypalëshe me Rusinë mbi një blerje të mundshme të vaksinës. E cila do të kalonte vetëm nëse miratohet nga EMA.

Një ditë më parë, Markus Söder, guvernatori i Bavarisë, tha se qeveria e tij kishte nënshkruar një marrëveshje paraprake për të blerë 2.5 milionë doza të vaksinës, të cilat do të prodhohen në një fabrikë në pronësi të Rusisë në shtetin jugor. Edhe kjo marrëveshje varet nga aprovimi i EMA-s.

Sputnik V prodhohet në shtatë vende në Rusi, dhe gjithashtu në impiantet në Indi dhe Korenë e Jugut.

Një numër vendesh të tjera kanë nënshkruar kontrata prodhimi, duke përfshirë Brazilin, Turqinë dhe Serbinë.

Rusia ka shpërndarë vazhdimisht më pak doza të vaksinës nga sa ishte premtuar fillimisht, duke sugjeruar probleme në prodhim. Prodhimi i vaksinave në shkallë është një proces i vështirë dhe rritja e prodhimit ka paraqitur probleme edhe për vaksinat perëndimore.

/Albanianpost.com


Lajmet kryesore