Sport

Skuadrat shqiptare do të mësojnë kundërshtarët në raundin e parë kualifikues të Champions League


Në Nion të Zvicrës do të hidhet shorti për fazën e parë kualifikuese të UEFA Champions League 2024-25.

Faza kualifikuese dhe play off-et ndjekin sistemin e eliminimit, ku çdo skuadër luan me çdo kundërshtar dy herë, në ndeshjet në shtëpi dhe jashtë.

Në këtë fazë të shortit shmangen duelet mes vendeve në konflikt apo atyre që mund të nxisin konflikte etnike si Azerbajxhan – Armeni, Ukrainë – Bjellorusi, Kosovë – Serbi, Kosovë – Bosnje dhe Hercegovina, si dhe Spanjë – Gjibraltar. Rusia vijon të jetë e përjashtuar nga UEFA për shkak të luftës në Ukrainë.

Janë 28 skuadra që garojnë në këtë raund, të cilat janë ndarë në tre grupe kryesore.

Në grupin e parë, në kategorinë e më të mirave, bën pjesë vetëm një skuadrër shqiptare, Ballkani, kampioni i Superligës së Kosovës.

Megjithatë, Ballkani ka shanse të mëdha për t’u përballur me një skuadër tjetër shqiptare në këtë raund.

Skuadra nga Theranda mund të ketë përballë Egnatian, kampionen e Superiores së Shqipërisë, si dhe dy ekipet shqiptare, përkatësisht Deçiçin, kampionen e Malit të Zi, dhe Strugën, kampionen e Maqedonisë së Veriut.

Datat e kualifikueseve të Champions League:

18 qershor – Shorti i raundit të parë kualifikues

19 qershor – Shorti i raundit të dytë kualifikues

9/10 korrik – Ndeshjet e para të raundit të parë kualifikues

16/17 korrik – Ndeshjet e dyta të raundit të parë kualifikues

22 korrik – Shorti i raundit të tretë kualifikues

23/24 korrik – Ndeshjet e para të raundit të dytë kualifikues

30/31 korrik – Ndeshjet e dyta kualifikuese të raundit të dytë

5 gusht – Shorti i raundit të Play-off

6/7 gusht – Ndeshjet e para të raundit të tretë kualifikues

13 gusht – Ndeshjet e dyta të raundit të tretë kualifikues

20/21 gusht – Ndeshjet e para të raundit të play-off-it

27/28 gusht – Ndeshjet e dyta të play-off-it

29 gusht – Shorti i fazës së Ligës

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com

Lajmet kryesore