Ardita Sinani, këshilltare politike në Zyrën e Kryeministrit të Kosovës, nëpërmjet një postimi në “Facebook” të dielën, kritikoi dy top-diplomatët perëndimorë – Gabriel Escobar dhe Mirosllav Lajçak – që ende nuk i kanë takuar përfaqësuesit e shqiptarëve në Serbi, ndërsa takimet me përfaqësuesit politikë të serbëve kanë qenë në fokus të vizitave të tyre në Kosovë.
“Kjo qasje madje edhe mund të kontribuojë në dërgimin e mesazheve të gabuara për qarqet që po nxisin destabilizimin e gjendjes së sigurisë dhe stabilitetit në Ballkanin Perëndimor. Shqiptarët në në Serbi në përgjithësi, si komunitet joshumicë, mbeten të diskriminuar dhe të shtypur”, tha Sinani, duke e cilësuar “kundërproduktive” qasjen aktuale në procesin e dialogut.
Sinani theksoi se shumë çështje që trajtohen në procesin e dialogut për normalizimin e marrëdhënieve ndërmjet Kosovës dhe Serbisë nën kujdesin e Bashkimit Evropian (BE) kanë të bëjnë edhe me komunitetin shqiptar në Serbi, derisa e cilësoi të padrejtë që në dialog të përfshihet çështja e komunitetit serb në Kosovë, por jo edhe çështja e shqiptarëve në Serbi.
“Harmonizimi i sotëm i standardeve të të drejtave të komuniteteve joshumicë midis dy vendeve dialoguese është në interes të paqes së nesërme midis tyre. E jo vetëm. Prandaj, z. Escobar dhe z. Lajçak, ju ftoj që të takoni edhe të zgjedhurit e shqiptarëve në Serbi. Për të na dëgjuar. Së paku”, shtoi ajo.
Të dërguarit e posaçëm të Shteteve të Bashkuara të Amerikës (SHBA) dhe Bashkimit Evropian (BE) që mbajnë mbi shpinë barrën kryesore në procesin e dialogut për normalizimin e marrëdhënieve Kosovë-Serbi, qëndruan gjatë javës në Prishtinë dhe Beograd në kuadër të përpjekjeve perëndimore për t’i dhënë fund krizës aktuale rreth çështjes së dinarit serb.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin