Gatimi

Si të ushqehemi shëndetshëm gjatë vitit 2021


Lejoni instiktin t’ju udhëheq

Është e rendësishme të dëgjoni organizmin tuaj se çfarë i pëlqen apo jo dhe përpiquni të largoni fokusin nga numërimi i kalorive dhe ndjenjat e fajit. Kjo do të thotë se kur konsumoni për shembull një biskotë ju duhet të ndiheni mire apo të qetësoheni gjatë ngrënies së saj, gjë që nuk ndodh kur nuk jeni të uritur.

Përfshini ushqime që rrisin imunitetin në dietën tuaj

Shkak i pandemisë do të ishte e këshillueshme që këtë vit të konsumoni ushqime të cilat përmbajnë ingredient që do t’ju mbajnë të shëndetshëm. Për shembull perimet si agrumet, spinaqi, lakra jeshile, patatet e ëmbla, karotat, vezët, fasulet dhe yndyrnat e mira të peshqve dhe guackave, apo çaji matcha i pasur gjithashtu dhe me antioksidantë, përmbajnë shumë vitamina dhe minerale të cilat forcojnë imunitetin dhe ju mbrojnë nga sëmundjet e ndryshme.

Ushqimet e “konservuara”

Sigurisht nuk bëhet fjalë për salçiçet apo ëmbëlsirat e paketuara por për perimet dhe frutat e ngrira apo konservat e tjera me ushqime si fasulet, peshku ton apo salcat e domateve.

Eksperimentoni me gatimin në shtëpitë tuaja

Praktikimi i gatimit ju jep mundësinë të keni kontroll mbi produktet që do të konsumoni si dhe ndikon mirë në gjendjen tuaj emocionale përmes aktivizimit të ndjesive të arritjeve.

Përdorni sa më shumë perime në dietën tuaj

“Tetëdhjetë për qind e sëmundjeve kronike me të cilat përballemi janë të parandalueshme dhe të kthyeshme duke ngrënë një dietë të pasur me perime”, thote dr.Robert Graham, i çertifikuar si në mjekësinë interne edhe atë të integruar.

Konsumoni vakte të ndërmjetme që përmbajnë proteina dhe fibra

 

Rritja e fibrave dhe proteinave do t’ju ndihmojë të dëshironi më pak sheqer, diçka që do të jetë e dobishme për të kufizuar konsumimin e sheqerit. Disa variante të tyre mund të jenë për shembull manaferra me kos, puding me fara chia, mollë me gjalp arrash, banane me gjalp kikiriku etj.

Pini sa më shumë lëngje

Konsumimi i një sasie adekuate të lëngjeve mund të ndihmojë në parandalimin e simptomave të dehidratimit, lodhjen dhe marramendjen. Gratë sugjerohet të konsumojnë 2.7 litra dhe burrat  3.7 litra sasi që përfshin po ashtu gjithë lëngjet dhe ushqimet e pasura me ujë, të tilla si frutat, perimet dhe supat.

Mbështetuni tek të tjerët

Për të arritur synymet tuaja do të ishte e këshillueshme të shoqëroheni me persona që ushqehen shëndetshëm gjithashtu dhe ndajnë të njëjtat synyme me ju./AlbanianPost.com

 

 

 

 

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore