Uellsi dhe Danimarka do të ndeshen duke filluar nga ora 18:00 e ditës së shtunë në “Johan Cruyff Arena” të Amsterdamit, për llogari të raundit të 16-ve në Euro 2020.

Si mund të rreshtohen dy skuadrat

Te Uellsi do të mungojë Ethan Ampadu pasi u ndëshkua me karton të kuq në sfidën përballë Italisë. Por, nuk ka shqetësim për teknikun, Robert Page, pasi ka disponueshmërinë e plotë të pjesës tjetër të ekipit.

Për Kasper Hjulmand-in e Danimarkës, mungesa e madhe është Christian Eriksen-i. Mesfushori duket se pas operimit në zemer e ka mbyllur futbollin e luajtur. Gjithsesi, paraqitja kundër Rusisë, një fitore 4-1 nga danezet tregoi se janë rikthyer ekipi që pritej edhe pa një Eriksen në mesfushë.

Formacionet e mundshme

Uellsi: Ward; Roberts, Mepham, Rodon, Davies; James, Ramsey, Allen, Morrell, Bale; Moore.

Danimarka: Schmeichel; Christensen, Kjaer, Vestergaard; Wass, Hojbjerg, Delaney, Maehle; Braithwaite, Damsgaard; Poulsen.