![](https://albanianpost.com/wp-content/uploads/2022/03/5399573_shutterstock-1907142547_ls.jpg)
Miliona burra gjatë dekadave të fundit kanë zgjedhur këtë pilulë të vogël blu për të zgjidhur problemin e tyre jo shumë të vogël. Megjithatë, është e sigurt që një numër i papërfillshëm prej tyre e dinë se Viagra është gjetur pak a shumë gabimisht.
Ky ilaç popullor kundër impotencës u miratua në Shtetet e Bashkuara në vitin 1998 dhe ndërkohë ka ndihmuar shumë burra që të mos zhgënjejnë partnerët e tyre në shtrat.
Megjithatë, është interesante se Viagra nuk u shpik fare për të trajtuar disfunksionin erektil, por me një qëllim krejtësisht tjetër, shkruan e përditshmja “Grunge”.
Gjegjësisht, ideja e krijuesve të saj ishte që të përdoret për të lehtësuar simptomat e presionit të lartë të gjakut. Në eksperimentet e para me ilaçin u vu re se nuk arrin të bëjë atë për të cilën ishte projektuar, gjë që la shumë të zhgënjyer kimistët që ishin përgjegjës për krijimin e tij.
Megjithatë, është zbuluar një efekt anësor shumë interesant i sildenafilit (emri kimikisht i saktë për Viagra). Besoni apo jo, ky ilaç shkaktoi ereksion 30 deri në 60 minuta pas marrjes së tij te pacientët meshkuj që iu nënshtruan testimit të efektivitetit të tij.
![](https://albanianpost.com/wp-content/uploads/2022/03/viagragoesge.jpg)
Duke parë një shans për të mos u humbur, kompania farmaceutike Pfizer patentoi atë dhe dy vjet më vonë e lançoi me emrin Viagra.
Në vetëm një vit në raftet e farmacive, Viagra i solli kompanisë afër një miliardë dollarë të ardhura nga shitjet. Një sasi jo e vogël për produktin, i cili supozohej të ishte një tjetër në serinë e barnave për të luftuar presionin e lartë të gjakut.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Influencuesit po nxisin mizogjininë ekstreme, thonë autoritetet
-
Po sikur gjumi të shërbente – edhe – për të planifikuar të ardhmen?
-
Shkencëtarët bëjnë zbulimin e ADN-së që mund të ndihmojë në gjetjen e kurës së kancerit të pankreasit
-
Medikamentet e njohura për humbjen e peshës dhe diabetit lidhen me rrezikun më të ulët të disa llojeve të kancerit
Lajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”