Lajme

Shuarja e UNMIK-ut: SHBA e Britania pro, Rusia e Kina kundër, Franca në heshtje


Pesë Anëtaret e Përhershëm të Këshillit të Sigurisë së Kombeve të Bashkuara

Përfaqësuesit e Përhershëm të Këshillit të Sigurisë së Kombeve të Bashkuara kanë pasur thirrje të ndryshme sa i përket vazhdimit të funksionimit të Misionit të përkoshëm të Kombeve të Bashkuara në Kosovë (UNMIK), ku ShBA dhe Britania kanë bërë thirrje që të përfundohet ky mision, ndërsa Rusia dhe Kina për vazhdimin e saj, kurse Franca, anëtarja e pestë e përhershme, nuk u shpreh as pro as kundër.

Përfaqësuesi amerikan në OKB tha se “Shtetet e Bashkuara janë të zhgënjyera që thirrjet për zhbërjen e UNMIK-ut nuk gjetën mbështetje. Ky mision duhet të përfundojë, paratë e Kombeve të Bashkuara duhet të shkojnë aty ku ka më shumë nevojë”.

Ndërsa përfaqësuesja e Britanisë së Madhe, tha se UNMIK-u “në të kaluarën ka bërë punë të mirë, por se tani duhet të shqyrtohet roli i saj i ri, për t’iu përgjigjur sfidave të reja”.

Krejtësisht i kundërt ishte qëndrimi i Rusisë dhe Kinës, të cilët thanë se mbështesin edhe më tej punën e saj, dhe se respektojnë “sovranitetin dhe integritetin territorial të Serbisë”

Ambasadori i Rusisë në ShBA, Vasily Nebenzya, thirri për vazhdimin e operimit të UNMIK-ut në Kosovë “për shkak se dy herë më shumë ka pasur sulme mbi grupet jo-shqpitare krahasuar me vitin e fundit”.

“Negociatat midis Beogradit dhe Prishtinës janë mënyra e vetme për të gjetur një zgjidhje bazuar në Rezolutën 1244 të Këshillit të Sigurimit të OKB -së”, vlerësoi Nebenzja.

Përfaqësuesi i Kinës tha se Pekini respekton sovranitetin dhe integritetin territorial të Serbisë dhe mirëpret përpjekjet e Beogradit për të gjetur një zgjidhje politike të pranueshme për të dyja palët.

“Dialogu është zgjidhja e vetme dhe veprimet e njëanshme nuk kontribuojnë në sigurinë,” tha përfaqësuesi kinez ndërsa tha se “Kosova ende paraqet një rrezik të mundshëm të sigurisë në rajon”.

Ndërsa Franca nuk participoi në këtë debat mbi shuarjen apo vazhdimin e mandatit të UNMIK-ut, por se inkurajoi që Kosova dhe Serbia të vazdhojnë të dialogojnë për të zgjedhur çështjet e hapura.

Ndërkaq përfaqësuesja e Francës bëri thirrje “që të shmangen çfarëdo veprimesh të njëanshme që mund ta minojnë dialogun”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore