Ministria e Mbrojtjes ka njoftuar se është shtyrë për shtatë ditë afati për rekrutimin e kadetëve të rinj të Forcës së Sigurisë së Kosovës, (FSK), për vitin 2024/2025.
Përmes një postimi të publikuar në platformën sociale, Facebook, nga kjo ministri kanë treguar se data e fundit për aplikim është deri më 24 qershor 2024.
“Të gjithë kandidatët të cilët kanë konkurruar nuk kanë nevojë për ri konkurrim”, thuhet në njoftim.
Ky konkurs ishte shpallur më 3 qershor të këtij viti, nga ministria s’janë treguar arsyet përse afati për kadetë të rinj është shtyrë.
Më 22 maj, Forcës së Sigurisë së Kosovës, i ishin shtuar edhe 15 kadetë të rinj.
Ministri i Mbrojtjes, Ejup Maqedonci, kishte vlerësuar se profesionalizimi i tyre do t’i shërbejë ushtrisë së Kosovës.
Sipas tij, buxheti i ndarë për vitin 2023 është më i larti ndër vite që nga 2019.
Më 12 qershor, Kryeministri i Kosovës, Albin Kurti, gjatë fjalimit në prag të parakalimit të Forcës së Sigurisë (FSK) për nder të 25-vjetorit të çlirimit, deklaroi se ushtria e Kosovës nuk ka qenë kurrë më e madhe, më e armatosur dhe më e përgatitur sesa sot, derisa përmedi rekrutët e rinj e sistemet e reja.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
