Empoli e ka eliminuar nga Kupa e Italisë skuadrën e Veronës, duke e mposhtur në një ndeshje spektakolare, me rezultat 3:4.
Në këtë ndeshje shfaqi lojë shumë të mirë, mesfushori i kombëtares shqiptare, Nedim Bajrami, i cili realizoi golin e katërt për ekipin e tij në këtë sfidë.
Përveç Bajramit, në këtë takim ishin në formacionin startues për Empoli-n edhe mesfushori tjetër shqiptar, Kristjan Asllani, si dhe portieri i Kosovës, Samir Ujkani, ndërsa Ardian Ismajli nuk u inkuadrua në lojë.
Edhe Asllani tregoi një lojë shumë të mirë në këtë ndeshje, ndaj të cilit u shkaktua një penallti në pjesën e dytë, të cilën e shndërroi në gol Leonardo Mancuso.
Mancuso realizoi edhe një gol tjetër në këtë sfidë, ndërsa të parin e shënoi Andrea La Mantia, kurse golin e parë për Veronën e realizoi Matteo Cancellieri në minutën e 18-të të ndeshjes.
Derisa mysafirët kishin një fitore të sigurt në duar, pas epërsisë prej tre golave, gjërat u vështirësuan në pesë minutat e fundit të ndeshjes, ku Verona shënoi dy gola përmes Ivan Ilic dhe Antonino Ragusa.
Me këtë fitore, Empoli kalon në fazën e 1/8-ve të finales së Kupës së Italisë, ku në këtë xhiro do të ketë përballë, skuadrën e Inter-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
‘Evropa mund të vdesë’ – Cilat janë propozimet e Macron për ta shpëtuar?
-
Edhe Britania e do Asociacionin sa më shpejt që të jetë e mundur
