“Jemi vendi i parë në rajon për para të miratuara për bujqësinë”.
Ka qenë kjo deklarata e kryeministrit të Shqipërisë, Edi Rama, në një takim pranë Universitetit Bujqësor të Tiranës, ku ka theksuar faktin se, për herë të parë këtë vit, fermerët u mbështetën me naftë pa akcizë, pa taksë karboni dhe pa taksë qarkullimi.
Sipas shifrave të publikuara nga kryeministri, janë 19 mijë e 213 fermerë, të cilët kanë përftuar nga këto lehtësuese.
Skema, mbi të cilat Rama nënvizon se janë më të lartat në rajon.
Mbi këtë gjithsesi, kryeministri saktëson se duhet të justifikohet nga bizneset. Si për fondet që jep qeveria, si për ato që jep Bashkimi Evropian, Rama cilëson se “duhen justifikuar nga bizneset, duke i bindur strukturat se investimi po shkon në drejtimin e duhur”.
Për sa u përket eksporteve, kreu i qeverisë e ritheksoi rëndësinë e të kapurit të shifrës prej 1 miliard dollarësh eksporte.
“Sot jemi 400 milionë. E kemi nisur me më pak se gjysmën e kësaj shifre. Në katër vitet e ardhshme, kufiri i kapur duhet të jetë 1 miliard dollarë”.
Mbi këtë fakt, ai shton se në dy mandate, eksporti i mallrave është trefishuar. Kjo, për të, është falë përfshirjes së drejtpërdrejtë të shtetit në skema.
Ndërsa, për vitet përpara qeverisjes socialiste, ai e kujtoi si një epokë pa investime për bujqësinë, edhe kur këta të fundit i jepnin provat se i shfrytëzonin si duhet burimet.
Një apel shkoi edhe për kultivimin e kulturave të duhura, duke kaluar në disa aspekte Serbinë.
Sipërfaqja e serave ndërkohë do të përpiqet të trefishohet dhe të diversifikohet prodhueshmëria.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
