Shqipëria ka marrë tjetër fitore në ndeshjen e tretë kualifikuese të Kampionatit Evropian.
Kuqezinjtë shënuan fitore me rezultat 1:2 në udhëtim te Ishujt Faroe.
Në fakt rezultati ka mundur të jetë shumë më i thellë për skuadrën e Sylvinho-s, por ata shpërdoruan shumë raste.
Goli i parë për kuqezinjtë erdhi në minutën e 20-të, kur Nedim Bajrami shënoi pas asistimit të Jasir Asanit.
12 minuta më vonë, Sokol Cikalleshi e kishte një mundësi të artë për ta dyfishuar epërsinë, por ai gaboi nga penalltia, të cilën e kishte fituar vetë.
Përveç këtij rasti, kuqezinjtë patën edhe disa të tjerë, por nuk arritën të tregoheshin të saktë para porte.
Megjithatë, ligji i pashkruar në futboll – kur nuk shënon pëson – ndodhi te Shqipëria. Vendasit arritën ta barazojnë rezultatin krejt në fund të pjesës së parë me anë të Odmar Faero.
Por, pjesa e parë nisi përsëri shumë mirë për Shqipërinë. Në minutën e 51-të, mesfushori i Inter-it, Kristjan Asllani, shënoi një eruo-gol duke e kaluar Shqipërinë në epërsi.
Në vazhdim, kuqezinjtë patën edhe disa mundësi shumë të mira për ta thelluar epërsinë, derisa goli i fundit dhe i sigurisë erdhi në minutat shtesë, kur mesfushori i Legia-s, Ernest Muci shënoi për 1:3.
Kështu rezultati mbeti 1:2 për kombëtaren kuqezi që i pozicionon në vendin e dytë në grup.
Shqipërisë i bëri një “favor” shumë të madh edhe Moldavia, të cilët e befasuan Poloninë.
Moldavët ishin duke humbur me shifrat 0:2 në pjesë të parë ndaj polakëve, por gjatë pjesës së dytë arritën ta përmbysin rezultatin.
Kështu, Shqipëria tani është e dyta në grup me gjashtë pikë, një më pak se Republika Çeke e vendit të parë dhe një më shumë se Moldavia e vendit të tretë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”