Shqipëria është gati për të mbajtur Konferencën e Parë Ndërqeveritare.
Kështu ka deklaruar Komisioneri për Zgjerimin dhe Fqinjësinë e Mirë pranë Bashkimit Evropian, Oliver Varhely, gjatë konferencës së përbashkët me kryeministrin e Shqipërisë, Edi Rama, në Bypass-in e Vlorës.
Ai njoftoi se javën e ardhshme do të ketë lajme të mira për Shqipërinë, e cila i ka kryer të gjitha detyrat e saj.
“Më lejoni të inkurajoj Shqipërinë që të përshpejtojë punën edhe në fushën e integrimit. Ajo është gati për të filluar negociatat me Konferencën e Parë Ndërqeveritare. Jam shpresëplotë që në ditët në vijim do të kemi lajme të mira”, tha Varhelyi.
Komisioneri në fjalën e tij u shpreh se vendi me investimet e realizuara e ka befasuar atë.
“Brezat e mëparshëm nuk kanë dhënë rezultatet që duhet të jepnin. Nuk ka ekonomi e shoqëri pa rrugë për tregtinë, pa rrugë të cilat lehtësojnë tregtinë dhe për këtë arsye kemi qenë tejet të qartë që prej fillimit”, tha ai duke hedhur vëmendjen nga Bypass-i i Vlorës, i cili është një investim shqiptar në bashkëpunim me BE-në.
Nga ana tjetër, kryeministri Rama deklaroi se pavarërisht përmbushjeve të detyrav të saj Shqipëria do të presë vendimin e Kuvendit të Maqedonisë së Veriut për propozimin francez.
Numri një i Qeverisë shqiptare theksoi se nëse Kuvendi i RMV-së nuk e pranon propozimin, vendi do të kërkojë në mënyrë urgjente ndarjen sa i takon rrugëtimit evropian.
“Nëse do jetë pozitiv vendimi, Konferenca do të thirret shpejt, nëse do të jetë negativ ne që të nesërmen do të kërkojmë ndarjen nga dosja maqedonase-bullgare. Ne jemi të bindur që Shqipërisë duhet t’i hapen negociatat këtë vit”.
Varhely dhe Rama ishin të shoqëruar edhe nga ministrja e Infrastrukturës dhe Energjisë, Belinda Balluku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Aksident tragjik në Durrës – Vritet në vendngjarje çiklisti, shoferi arratiset
-
EURO U-19/ Shqipëria njeh kundërshtarët në raundin kualifikues
-
Policia e Shtetit duhet të rrisë rezultatet dhe besimin e publikut, thotë Balla
Lajmet kryesore
-
Zgjedhjet evropiane dhe loja e aleancave
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Policia e Shtetit duhet të rrisë rezultatet dhe besimin e publikut, thotë Balla
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar