Shpërthimi në LiverpooI: Autori kishte blerë pjesë për bomba që nga prilli

Të tjera detaje kanë dalë në dritë të enjten e 18 nëntorit, për sa i përket shpërthimit terrorist të ndodhur të dielën në Liverpool.

Emad Al Swealmeen kishte blerë pjesë të bombës që nga muaji prill, kur mori me qira banesën që përdori për të ndërtuar pajisjen e tij.

Sipas policisë, 32-vjeçari, i cili shpërtheu eksplozivët jashtë Spitalit të Grave në Liverpool të Dielën e Përkujtimit, kishte bërë “blerje të rëndësishme” për të paktën shtatë muaj.

Policia tha se ai ka shumë gjasa se ka vepruar i vetëm në kryerjen e “aktit terrorist”.

Burimet nga “Home Office” kanë pohuar se Al Swealmeen, i cili mbërriti në Britaninë e Madhe në vitin 2014, kishte “luajtur” me sistemin e azilit, duke bërë një sërë ofertash që u refuzuan.

Kërkesa e tij fillestare për azil, mbi bazën se ai ishte nga Siria, u refuzua në vitin 2015, kur zyrtarët arritën në përfundimin se ishte nga Jordania.

Russ Jackson, ndihmësi i shefit të policisë që drejton hetimin e terrorizmit, deklaroi se të afërmit e tij kishin qenë në kontakt dhe tha se ai kishte lindur në Irak.

Jackson shtoi se policia po hetonte ende motivet e Al Swealmeen dhe se shëndeti i tij mendor ishte pjesë e hetimit.

Ai u ndalua nga policia në vitin 2015, pasi u kap në një mbikalim, duke kërcënuar se do të hidhej dhe duke tundur një thikë.

Al Swealmeen u kthye në besimtar i fesë së krishterë dhe përqafua ritet e kishës anglikane në Liverpool.

Ai e ndryshoi emrin e tij në Enzo Almeni, për nder të sipërmarrësit italian të garave me motor Enzo Ferrari.

E përditshmja britanike “The Times” ka raportuar se detektivët nuk kanë gjetur ende prova të një motivi ideologjik, por hetimet do të vazhdojnë për javë të tëra. Al Swealmeen nuk po monitorohej nga MI5.

Katër burra u arrestuan në lidhje me hetimin dhe u liruan pa asnjë veprim të mëtejshëm.

Zyra e Brendshme ka refuzuar të komentojë mbi kombësinë e Al Swealmeen, numrin e kërkesave për azil që ka bërë dhe fazën e procesit që arriti çështja e tij.

Janë ngritur shqetësime se disa azilkërkues në qytet mund të kenë pretenduar të konvertohen në krishterim, në mënyrë që të forcojnë kërkesat e tyre për viza.

Katedralja e Liverpool-it, ku Al Swealmeen u pagëzua në vitin 2015 dhe u konfirmua në 2017-ën, tha se azilkërkuesit që konvertohen do të prisnin për të paktën dy vjet përpara se stafi të mbështeste një aplikim për vizë.

Një zëdhënës tha: “Katedralja e Liverpool-it ka zhvilluar procese të forta për të dalluar nëse dikush mund të shprehë një përkushtim të vërtetë ndaj besimit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.