Shpërthime masive në Belgorod të Rusisë

Një seri shpërthimesh janë dëgjuar në qytetin rus të Belgorodit, pranë kufirit me Ukrainën, në orët e para të mëngjesit të së enjtes, teksa autoritetet po punojnë për shuarjen e zjarreve të mëdha të krijuara nga këto shpërthime.

Sipas guvernatorit rajonal, Vyacheslav Gladkov, zgjimi në Belgorod ishte “me shpërthime të mëdha të ndodhura rreth orës 03:30”.

Shkaqet mbi këto shpërthime ende nuk janë gjetur, ka vijuar më tej Gladkov në një postim në rrjetin Telegram.

Një fshat rreth 40 kilometra larg kufirit me Ukrainën, Staraya Nelidovka, është goditur më së shumti dhe zhurmat më të mëdha kanë ardhur prej aty.

У Бєлгородській області пролунало кілька вибухів, місцевий губернатор каже про пожежу на складі боєприпасів https://t.co/TMQfx1gGJC pic.twitter.com/s1PWzFJ0Yb

— Еспресо (@EspresoTV) April 27, 2022

Informacionet paraprake të mediave, sugjerojnë se një depo e madhe armatimesh është në flakë. Në zonat rezidenciale ndërkohë, nuk ka dëme të raportuara dhe nuk janë raportuar as humbje jetësh në rangun e civilëve.

Provinca e Belgorodit, është në kufi me rajonet ukrainase të Luhanskut, Sumyt dhe Kharkivit. Të tre këto vende, kanë parë luftime të ashpra mes forcave ruse dhe atyre ukrainase, në agresionin e Moskës ndaj Kievit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.