Një granatë dore dyshohet se ka shpërthyer në orët e para të së dielës në Mitrovicë të Veriut – komunë e banuar me shumicë serbe – në pjesën veriore të Kosovës, duke shkaktuar dëme të vogla materiale në dritaret e një shtëpie.
Zëvendësdrejtori i Policisë së Kosovës për rajonin e Mitrovicës së Veriut, Veton Elshani, ka njoftuar të dielën se rasti ka ndodhur në rrugën “Perandori Dushan” pak pas mesnatës, por përpos dëmeve materiale, nga ky shpërthim asnjë person nuk ka mbetur i lënduar.
“Rreth orës 01.00 dyshohet për shpërthim të një granate dore në rrugën ‘Perandori Dushan’ në Mitrovicë të Veriut. Dëme të vogla materiale në dritare të një shtëpie. Nuk ka lëndime në njerëz. Njësitet kompetente policore kanë dalë në vend të ngjarjes”, ka thënë Elshani.
Në pjesën veriore të Kosovës, ndonëse situata është qetësuar pas sulmit terrorist në fshatin Banjë të Zveçanit të banuar me serbë etnikë, këtë muaj janë raportuar disa shpërthime, posaçërisht në Mitrovicë të Veriut, në kohën kur është rritur interesimi i serbëve lokalë për t’i riregjistruar automjetet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Abdixhiku: Po marrim mbështetje për programin kombëtar të LDK-së
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
-
Asociacioni kusht për KiE, Molliqaj: Kurti veten e ka mbështetur për muri, Kosova s’duhet të paguajë për gabimet e tij
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës