Shkëlzen Gashi, ish këshilltari i Kryeministrit Albin Kurti, ka kërkuar nga ministri i Shëndetësisë, Arben Vitia, që të shfuqizojë vendimin për punësimin e motrës së ministrit të Mjedisit, Planifikimit Hapësinor dhe Infrastrukturës, Libun Aliut.
Gashi gjithashtu ka kërkuar edhe nga shoqëria civile por edhe nga qytetarët, që të mos heshtin përballë vendimit të ministrit Vitia.
“I lus të gjithë aktivistët e shoqërisë civile dhe qytetarët që të reagojmë për këtë vendim e të mos heshtim sepse “populli i deleve sjellë në pushtet qeveri të ujqve”, ka shkruar ai në rrjetin social Facebook.
Sipas tij kjo praktikë e punësimeve të familjarëve dhe partiakëve do të vazhdojnë edhe pas zgjedhjeve lokale.
Ai ka thënë se është i shqetësuar meqë një praktikë e tillë do të vazhdoj.
“Ndonëse jemi në prag të zgjedhjeve lokale, anëtarë të qeverisë së Kosovës po vazhdojnë të emërojnë familjarë të bashke partiakëve të tyre nëpër pozita të larta shtetërore. Shqetësimi im është se kjo praktikë do të intensifikohet pas zgjedhjeve lokale”.
Reagime lidhur me punësimin e motrës së ministrit Aliu kanë ardhur edhe nga akter të tjerë të shoqërisë civile.
Drejtori Ekzekutiv i Institutit të Kosovës për Drejtësi (IKD), Ehat Miftari ka ironizuar me punësimin e familjarëve nëpër institucione nga ana e ministrave dhe funksionarëve të tjerë shtetëror.
“Kur ka njeri familje te madhe e te gjere, e ka problem me mbajte shenime kush u punesu pardje, dje e kush neser e pasneser. Kolegë keni pak konsiderate!”
Ai tutje ka ironzuar duke thënë se familja është para së gjithash, madje edhe para shtetit.
“Nejse, kur vjen te respektimi i institucioneve dhe shtetit ne raport me familjen, familja e para!”
Miftaraj ka kërkuar nga fituesit e zgjedhjeve që të mos hiqen më si të moralshëm.
“Te gjithe njesoj, Ju besuam, e tradhtuat besimin qe u fali qytetari. Vazhdoni, po mos shitni moral”, ka shkruar ai në rrjetin e tij social Facebook.
Gjithashtu, edhe Petrit Zogaj ish drejtor i organizatës FOL, ka kritikuar ministrin Aliu.
“Familja, prona, shteti. Motra e ministrit, dmth nje banditi, Aliu, punesohet tek nje bandit tjeter Vitia qe ka qellu te jete minister”.
Ai tutje ka thënë se ky pushtet vetëm se po i largon disa familjar të pushtetit të më parshëm dhe po i vendos nëpër pozita familjarët e vet.
“Keso banditash ishin ata qe qeverisen 13 vjet shtetin, keta po e vazhdojne. Nderkohe, nje dite, Albini, pa pike turpi tha qe “nga 14 Shkurti gjithcka ka ndryshu ne qeverisje.” E vertete qe ka ndryshu, po largohen familjaret e atyre paraprakeve, e po i marrin te vetet. Cfare maskarade”, ka shkruar ai.
Edhe partitë opozitare kanë reaguar lidhur me punësimet e familjarëve të ministrave dhe funksionarëve të tjerë.
Pikërisht Lëvizja Vetëvendosje për aq kohë sa ka qenë në opozitë,ka akuzuar partitë për nepotizëm mirëpo, në pak ditë të qeverisjes, ky subjekt politik po vazhdon të abuzoj me pushtetin duke punësuar familjar dhe bashkëpartiak dhe të afërm me këtë subjekt politik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Mes tensioneve për Gazën, shtyhet vizita e Erdogan në Shtëpinë e Bardhë
-
Thaçi: Ëndrra ime është që të gjithë shqiptarët të jetojnë në një shtet
-
Vaksinat e personalizuara mRNA për melanomën hyjnë në fazën e re të provës
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE