Shkurti i këtij viti më i ngrohti i regjistruar në nivel global

Muaji shkurt i këtij viti ishte më i ngrohti i regjistruar në nivel global, duke e bërë muajin e nëntë me radhë me temperatura rekord për kohën e vitit.

Temperaturat globale të sipërfaqes së detit janë gjithashtu në nivelin më të lartë të regjistruar ndonjëherë, tregojnë të dhënat nga Shërbimi i Ndryshimeve Klimatike të BE-së Copernicus.

Referuar të dhënave, shkurti ishte 1,77 gradë Celsius më i ngrohtë se mesatarja para-industriale për muajin, nga viti 1850 në 1900, dhe 0,81 gradë Celsius mbi nivelet 1991-2020.

Temperatura mesatare globale për 12 muajt e fundit – midis marsit 2023 dhe shkurtit 2024 – ishte më e larta në rekord, në 1.56 gradë mbi nivelet para-industriale.

Kjo e vendos botën përkohësisht mbi pragun 1.5 gradë përtej të cilit, në terma afatgjatë, priten ndikimet më të këqija të ndryshimeve klimatike.

Temperaturat mesatare globale ditore ishin “jashtëzakonisht të larta” gjatë gjysmës së parë të muajit, duke arritur 2 gradë mbi nivelet 1850-1900 në katër ditë nga 8 deri më 11 shkurt, sipas Copernicus.

Temperaturat evropiane në shkurt 2024 ishin 3.3 gradë mbi mesataren 1991-2020 për muajin, me temperatura shumë mbi mesataren e parë në Evropën Qendrore dhe Lindore, treguan shifrat.

Dimri i Evropës, nga dhjetori në shkurt, ishte i dyti më i ngrohtë i regjistruar për kontinentin.

Temperaturat mesatare globale të sipërfaqes së detit për muajin shkurt, jashtë rajoneve polare, ishin më të lartat për çdo muaj në rekord, në 21.06 gradë, duke tejkaluar rekordin e mëparshëm prej 20.98 të vendosur në gusht 2023.

Temperatura mesatare ditore e sipërfaqes së detit arriti një nivel të ri absolut prej 21.09 gradë në fund të muajit, sipas Copernicus.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.