![](https://albanianpost.com/wp-content/uploads/2022/01/aksident-naten-1.jpg)
Ka ndërruar jetë edhe pasagjerja R. H., 34 vjeç, e cila ndodhej në makinën me drejtues A. D., 30 vjeç, duke e çuar në pesë numrin e viktimave, nga tragjedia e ndodhur në aksin rrugor Fushë Krujë-Milot.
R. H. nuk ka mundur t’u mbijetojë lëndimeve të marra nga aksidenti automobilistik i ndodhur mesnatën e 6 marsit.
Si pasojë e një përplasjeje fatale kanë humbur jetën edhe katër persona.
Konkretisht jetën e kanë humbur dy drejtuesit e mjeteve – A. D., 39 vjeç, A. A., 30 vjeç – dhe dy pasagjerë – shtetasit Sh. B., 20 vjeç, dhe A. K.,16 vjeçe, që ndodheshin në automjetin që drejtonte shtetasi 30-vjeçari.
“Rreth orës 00:15, në aksin rrugor Fushë Krujë-Milot, një automjet me drejtues shtetasin A. D., 39 vjeç, është përplasur me automjetin me drejtues shtetasin A. A., 30 vjeç”, thuhej në njoftimin e policisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com