Shkencëtarët nga Koreja e Jugut kanë zhvilluar një bojë elektronike, e cila mund të përdoret për të monitoruar vazhdimisht gjendjen shëndetësore.
Studiuesit në Institutin e Avancuar të Shkencës dhe Teknologjisë në Korenë e Jugut (KAIST) në qytetin Daejeon përdorën këtë bojë për të krijuar një pajisje në formën e një tatuazhi individual që funksionon si një bioelektrodë.
Lajmi u bë i ditur nga agjencia “Reuters”.
Pas aplikimit, një tatuazh i tillë automatikisht do të paralajmërojë një person për problemet e mundshme shëndetësore.
Për ta bërë këtë, ajo është e lidhur me një pajisje elektrokardiograme (EKG) ose një biosensor tjetër.
Pajisja do të dërgojë në monitor të dhëna për rrahjet e zemrës së pacientit dhe shenja të tjera jetësore, të tilla si glukoza në gjak.
Monitorët me të dhëna shëndetësore teorikisht mund të vendosen kudo, duke përfshirë edhe shtëpitë e pacientëve.
Vetë boja është jo invazive dhe përbëhet nga grimca të bazuara në galium, një metal i butë argjendi që përdoret gjithashtu në gjysmëpërçues dhe termometra.
Dhe nanotubat e karbonit të veshur me platin ndihmojnë përçimin e energjisë elektrike dhe garantojnë jetëgjatësinë e pajisjes.
Në zhvillimet e tyre të mëtejshme, shkencëtarët duan të braktisin fare biosensorët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
