Shkëlqen Dubois, e mposht Jushuan

Boksieri Daniel Dubois e ka mposhtur yllin e boksit Anthony Joshua para 90 mijë shikueseve, meqë ka dominuar luftën.

Me këtë fitore, Dubois mbrojti titullin e botës në versionin IBF, ndërsa e ka quajtur veten “gladiator” pasi shkatërroi Joshuan.

“Jam një gladiator. Ishte një rrugë e gjatë, jam i lumtur që jam në këtë pozitë. Dua të jem në majë të sportit, Zoti ju bekoftë të gjithëve”, tha ai.

“E falënderoj familjen time dhe ekipin që më ndihmoi të jem i gatshëm sonte. Është  koha ime, nuk do të ndalem pa shfaqur gjithë potencialin tim”, shtoi.

Ndërkaq Joshua ka reaguar menjëherë pas humbjes së rëndë që pësoi dhe u tregua i përulur duke i dhënë merita ekipit kundërshtar për suksesin që e arritën.

“Merita për atë dhe ekipin e tij, ne u munduam që të arrijmë sukses por nuk ia dolëm”, theksoi Joshua, derisa potencoi se “ju e dini, jam i zemëruar por do të mbajë qetësinë dhe do të tregojë respekt për kundërshtarin tim”.

“Para se të vija këtu, unë gjithmonë i thosha vetes se do të jem një luftëtar për gjithë jetën. Ne nuk ia dolëm por do të provojmë sërish”. Bëra shumë gabime. Aq i zemëruar sa jam, kjo është çfarë ka ndodhur”, përfundoi britaniku.

DUBOIS KNOCKS OUT ANTHONY JOSHUA

pic.twitter.com/YFJQCUBmVh

— 🌴ᴛʜᴇᴀʀᴛᴏꜰᴡᴀʀ🌴 (@TheArtOfWar6) September 21, 2024

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.