Krijoni një pjatë të re, që do të kthehet në të preferuarën tuaj, përmes recetës së kofshëve të pulës confit. E shijshme dhe e thjeshtë për t’u përgatitur, kjo pjatë e ngrohtë është një gatim tradicional i Francës jugperëndimore, i cili sjell metodën e njëjtë të ruajtjes së mishit para ftohjes. Procesi i ngadaltë i gatimit do të bëjë që mishi të jetë i butë dhe shumë i shijshëm dhe shoqërohet me salcë barbeque dhe erëza.
Kjo recetë sugjerohet nga shefi i kuzhinës Renato Mekolli.
Përbërësit: 8 kofsha pule, vaj luledielli, 4 thelpinj hudhre, 1 kërcell rozmarinë, 1 kërcell thimo, 1 gjethe dafine, disa kokrra piperi, pak piper të kuq të ëmbël, kripë, piper.
Përgatitja
Vendosim të gjithë përbërësit bashkë në një tenxhere. Tenxheren e vendosim në zjarr shumë të ulët dhe e lëmë ashtu për rreth 3–4 orë.
Pasi të ketë mbaruar procesi, e mbulojmë tenxheren dhe e lëmë të ftohet.
Pasi është ftohur vendosim kofshët e pulës në salcë barbeque-je dhe i përziejmë me të.
Hedhim susam dhe qepë të njoma, të prera hollë dhe bukur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani shpall fitoren ndaj Taravarit me mbi 40 mijë vota dallim
-
Edi Rama thërret Grubin në telefon, ai i shpjegon se pa Taravarin në zgjedhje Osmani do ishte në balotazh
-
Iran: Reperi Toomaj i dënuar me vdekje, mori pjesë në protesta
-
Zgjedhjet presidenciale: Osmani bindshëm fitues në kampin shqiptar, balotazhi mes Pendarovskit dhe Siljanovska-Davkova