Shfaqet flamuri i Kosovës në televizionin publik serb

Për herë të parë në histori të Republikës së Kosovës është shfaqur flamuri i Kosovës në televizionin publik serb RTS.

Këtë e ka bërë të mundur Albin Tahiri, i cili po garon në Lojërat Olimpike Dimërore në Pekin.

Teksa Televizioni Publik Serb po transmetonte ndeshjen e sllallomit të madh në skijim, u shfaq edhe flamuri i Kosovës me rënditjen e skitarëve.

Ka pasur reagime negative nga qytetarët serb, pasi ata ndiheshin të ofenduar që flamuri i Kosovës është shfaqur në televizionin publik serb.

Kujtojmë se Skitari nga Kosova, Albin Tahiri, ka arritur një rezultat shumë të mirë në sllallom të madh.

Pasi arriti të përfundojë në vendin e 37-të në sllallom, Tahiri ka përfunduar në mesin e 30-të më të mirëve në sllallom të madh.

Më 10 shkurt, Tahiri arriti një rezultat historik, duke përfunduar i 15-ti në kombinim alpin.

Skitari nga Kosovar, sot ka arritur një tjetër rezultat tejet pozitiv, duke përfunduar i 30-ti nga plot 89 garues.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.