Shënoi dy gola, Zhegrova bën pjesë në 11-shen më të mirë të javës në Ligue 1

Edon Zhegrova ishte heroi skuadrës së Lille në ndeshjen e javës së 27-të në elitën e futbollit francez, ku skuadra e tij fitoi me rezultat 3:1 ndaj Lorient.

Ylli i Kosovës shënoi dy gola në këtë ndeshje, për t’ia dhënë tre pikët ekipit të tij, pasi që ata ishin duke barazuar deri në minutën e 89-të.

Zhegrova u fut në lojë në minutën e 82-të dhe shënoi dy gola (minutat 89 dhe 91). Golat e tij ishin vërtetë spektakolar, siç mund të shihen edhe në videot e mëposhtme.

Sulmuesi i Dardanëve është përzgjedhur në formacionin më të mirë të javës në kampionatin francez të futbollit.

Zhegrova u vlerësua me notën 9. Më mirë se ai vetëm Alexis Flips i Reims, i cili shënoi dy herë në triumfin 0:3 të skuadrës së tij në fushën e Nantes.

Le troisième but lillois vu depuis le bord du terrain 👊

Quelle action d’Edon Zhegrova 🤯 pic.twitter.com/ervEYATMRa

— LOSC (@losclive) April 3, 2023

Kujtojmë që me këta dy gola, 24-vjeçari e ka arritur kuotën e katër realizimeve me fanellën e Lille në këtë sezon (ligë dhe kupë), derisa numëron edhe pesë asistime.

Zhegrova është pjesë e skuadrës së Lille që nga janari i vitit të kaluar, kur u transferua nga Basel për shumën e 7 milionë eurove.

Un beau moment entre Edon et les DVE 📣❤️#LOSCFCL pic.twitter.com/fMNICAZWF5

— LOSC (@losclive) April 3, 2023

Deri më tani ai ka luajtur në 34 ndeshje me skuadrën franceze, prej të cilave ka shënuar nga gjashtë gola e asistime.

Megjithatë, në kohët e fundit kosovari nuk ishte i përfshirë shpesh në formacionin startues, por me paraqitjen e së dielës, pritet që atij t’i rezervohet një vend mes 11 titullarëve të Lille.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.