ShBA thotë se mbështet anëtarësimin e Kosovës në Partneritetin për Paqe të NATO-s, por se vendimi merret me konsensus

“Shtetet e Bashkuara të Amerikës mbështesin anëtarësimin e Kosovës në institucionet evropiane dhe euroatlantike, përfshirë edhe në Partneritetin për Paqe të NATO-s”, ka thënë zëdhënësi i Shteteve të Bashkuara në NATO, Jeffrey Adel në një përgjigje për Radio Evropa e Lirë.

Por, në të njëjtën kohë, zëdhënësi amerikan tha se kjo gjë nënkupton konsensus mes 30 vendeve anëtare të NATO-s, katër prej të cilave nuk e njohin e Kosovës.

“Të gjitha vendimet e Aleancës, përfshirë edhe për Partneritetin për Paqe, merren me konsensus”, ka thënë Adler.

Kryeministri i Kosovës, Albin Kurti, në konferencë për shtyp me kancelarin gjerman, Olaf Scholz, pati deklaruar se Kosova do të kërkojë anëtarësim në programin e Patneritetit për Paqe të NATO-s, dhe në Këshill të Evropës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.