Administrata e presidentit amerikan, Joe Biden, ka njoftuar ndalimin e ndihmës amerikane për Sudanin.
Kjo pas marrjes së kontrollit ushtarak.
Ajo ka kërkuar rivendosjen “e menjëhershme” të qeverisë së udhëhequr nga civilët.
Zëdhënësi i Departamentit amerikan të Shtetit, Ned Price, në një deklaratë për mediat njoftoi se Uashington-i do të vlerësojë “të gjithë marrëdhënien” e tij me Khartoum-in.
Ushtria sudaneze shpërndau qeverinë kalimtare dhe shpalli gjendjen e jashtëzakonshme pasi arrestoi kryeministrin, Abdalla Hamdok, disa anëtarë të kabinetit të tij, si dhe zyrtarë të tjerë civilë.
“SHBA-të dënojnë veprimet e ndërmarra brenda natës nga forcat ushtarake sudaneze”, tha Price.
Që nga rënia e udhëheqësit afatgjatë Omar al-Bashir pas protestave masive në 2019, Hamdok kishte udhëhequr një qeveri kalimtare në një marrëveshje për ndarjen e pushtetit me ushtrinë.
“SHBA-të do të ndërpresin ndihmën prej 700 milionë dollarësh të fondeve të mbështetjes ekonomike për Sudanin – ato fonde kishin për qëllim të mbështesin tranzicionin demokratik të vendit”, tha ai.
Vitin e kaluar, SHBA-të hoqën përcaktimin e Sudanit si “shtet sponsor i terrorizmit” dhe të dyja vendet rivendosën lidhjet diplomatike.
Qeveria kalimtare ra gjithashtu dakord të normalizojë marrëdhëniet me Izraelin në një marrëveshje të ndërmjetësuar nga SHBA.
Sudani ka qenë në “luftë” që nga komploti i dështuar i grushtit të shtetit muajin e kaluar, i cili prodhoi akuza të ashpra midis grupeve ushtarake dhe civile, që synonin të ndanin pushtetin pas rrëzimit të udhëheqësit të vjetër të vendit, Omar al-Bashir.
Al-Bashir u rrëzua pas muajve protestash në rrugë në vitin 2019 dhe një tranzicion politik i rënë dakord pas largimit të tij kishte për qëllim të çonte në zgjedhje deri në fund të vitit 2023.
Marrëveshja për ndarjen e pushtetit krijoi një qeveri që përfshin ushtrinë, përfaqësuesit civilë dhe grupet e protestave.
Shoqata e Profesionistëve Sudanez, grupi kryesor politik pro-demokratik i vendit, i quajti lëvizjet e ushtrisë të hënën një grusht shteti të dukshëm ushtarak dhe i bëri thirrje publikut të dilte në rrugë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Reagon Tavo pas incidentit: Interesat e vogla kanë marrë peng komunitetin himariot
-
Konjufca: Mungon vullneti i mazhorancës që në zgjedhje të reja të shkohet përmes dorëheqjes
-
“KEK-u nënshkruan edhe dy kontrata sekrete – një prej tyre e 14-ta me të njëjtën kompani”
-
Nuk pati kuorum, anulohet votimi i seancës së 7 marsit
Lajmet kryesore
-
Prokuroria po e interviston Martin Berishajn, i dyshuar për afera korruptive dhe shpëlarje parash
-
Beleri dhe Goro në burg – Blerina Bala komandohet drejtuese e re e bashkisë Himarë
-
Ekspozimi: Politikanët evropianë të së djathtës në listën e pagave të Putinit
-
Raportohet se BE po përgatit pozitë të re për Lajçak-un