Në SHBA, qeveria ka nënshkruar një kontratë me firmën amerikane të aviacionit Boeing për të furnizuar Izraelin me katër avionë furnizues me karburant, KC-46A.
Kontrata u nënshkrua në mes të negociatave të avancuara midis Iranit, SHBA-ve dhe fuqive të tjera botërore për të rivendosur mbikëqyrjen e programit bërthamor të Teheranit.
Boeing ka njoftuar se avionët KC-46A, të cilët bëjnë të mundur furnizimin me karburant të avionëve të Forcave Ajrore të Izraelit, po blihen për 927 milionë dollarë nga ndihma e huaj amerikane që është caktuar për Izraelin.
Avionët do t’i shkojnë Forcave Ajrore të Izraelit “duke filluar nga viti 2025 deri në vitin 2026”.
Mësohet se e drejta e Izraelit për të blerë katër avionët është shtesë e tetë avionëve të të njëjtit model që SHBA-të ranë dakord në vitin 2020 për t’i furnizuar Izraelit.
Po ashtu bëhet me dije se avioni KC-46A tashmë është në përdorim nga Forcat Ajrore të SHBA-ve, të cilat kanë blerë 179 avionë të këtij modeli.
Sakaq, Izraeli do të jetë vendi i tretë që do të blejë karburantin, pasi forcat ajrore japoneze blenë dy KC-46A.
Firma ka sqaruar se modeli mund të përdoret për të furnizuar me karburant të gjithë avionët e Forcave Ajrore të Izraelit dhe është gjithashtu i përshtatshëm për misione të tjera si transporti i trupave dhe funksionet e komandës dhe kontrollit.
Marrë nga “Haaretz”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Johnson & Johnson do të paguajë 6.5 miliardë dollarë për të zgjidhur padinë për shkaktimin e kancerit
-
Gjenden 5 skelete pa duar dhe këmbë para shtëpisë së liderit nazist Hermann Göring
-
Vuçiçi bën llogaritjet e fundit: Do të jenë mes 29 dhe 33 vota pro Kosovës – mjaftojnë 31 për t’u anëtarësuar në Këshillin e Evropës
-
Universitetet në Francë të bllokuara nga demonstratat pro Palestinës
Lajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit