SHBA-të dhe BE-ja kërkojnë zbatim të rekomandimeve të ODIHR-it nga qeveria dhe partitë politike
Ambasada Amerikane në Tiranë ka mirëpritur raportin e fundit të ODIHR-it për zgjedhjet vendore të 14 majit që përshkruan fushat e progresit të vazhdueshëm si dhe mangësitë.
Shtetet e Bashkuara i kërkojnë qeverisë, partive politike dhe institucioneve shtetërore të zbatojnë rekomandimet e ODIHR-it, të cilat përfshijnë keqpërdorimin e burimeve shtetërore në nivel qendror dhe lokal, akuza për blerje votash nga të gjitha anët, sigurimin e masave mbrojtëse për fshehtësinë e votimit dhe parandalimin e frikësimit të votuesve dhe presionin mbi punonjësit e sektorit publik dhe votuesit, theksoi diplomacia amerikane.
Raporti theksoi gjithashtu nevojën për të siguruar zbatimin e duhur të ligjit për të drejtën e informimit, dekriminalizimin e shpifjes dhe mbështetjen e gazetarisë së pavarur.
The U.S. Embassy welcomes the latest ODIHR report from the May 14 municipal elections describing areas of continuing progress as well as shortcomings. The United States urges the government, political parties, and state institutions to implement ODIHR’s recommendations which… pic.twitter.com/xNTp5IZjID
— U.S. Embassy Tirana (@USEmbassyTirana) October 3, 2023
Shtetet e Bashkuara mbështesin një angazhim për të adresuar të gjitha rekomandimet e ODIHR-it për të siguruar një kuadër zgjedhor gjithëpërfshirës dhe të qëndrueshëm, si dhe kërkesat e popullit shqiptar për një demokraci të fortë.
Delegacioni i BE-së mirëpriti po ashtu publikimin e raportit përfundimtar të Misionit të Vëzhgimit të Zgjedhjeve të OSBE/ODIHR-it për zgjedhjet vendore në Shqipëri, i cili konfirmoi se zgjedhjet ishin të mirëadministruara dhe konkurruese, por të karakterizuara nga akuza për keqpërdorim të burimeve shtetërore dhe blerje votash.
“Delegacioni i BE-së inkurajon të gjithë aktorët që të punojnë në mënyrë gjithëpërfshirëse për të zbatuar rekomandimet e reja të Raportit dhe ato që janë ende pezull nga ato të mëparshme si çështje urgjente”, shtoi reagimi i diplomacisë evropiane.
The EU Delegation welcomes the publication of the final OSCE/ODIHR Election Observation Mission report on Albania’s local elections which confirmed that the elections were well-administered & competitive, but marked by allegations of misuse of state resources and vote buying. 1/2
— EU in Albania (@EUinAlbania) October 3, 2023
Zgjedhjet vendore të majit 2023 në Shqipëri përgjithësisht ishin të mirë-administruara dhe konkurruese.
Ky ishte konkluzioni final i OSBE-ODIHR-it për zgjedhjet vendore të 14 majit.
Megjithatë sipas ekspertëve ndërkombëtarë procesi u karakterizua nga polarizimi i vazhdueshëm midis partive kryesore politike.
Në gjetjet kryesore OSBE-ja ka preferuar ta nënvizojë ndarjen e thellë të opozitës, me luftën e dy palëve në Partinë Demokratike.
Raporti ofron 27 rekomandime për afrimin e zgjedhjeve në Shqipëri në përputhje me angazhimet e OSBE-së dhe standardet e tjera ndërkombëtare për zgjedhje demokratike.
OSBE-ODIHR kërkon që të ketë një hetim të pavarur për të gjitha pretendimet për shkelje zgjedhore, përfshirë blerjen e votës, presionin ndaj votuesve dhe keqpërdorimin e burimeve shtetërore.
Gjithashtu vëzhguesit ndërkombëtarë bëjnë thirrje për një reformë zgjedhore kuptimplotë dhe adresimin e të gjitha rekomandimeve të ODIHR-it.
Delegacionet e vëzhguesve ndërkombëtarë sollën në Shqipëri afro 250 vëzhgues afatgjatë dhe afatshkurtër.
Më 14 maj, Partia Socialiste fitoi në 54 bashki në vend ndërsa koalicioni opozitar “Bashkë Fitojmë” vetëm në shtatë prej tyre.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rimbursimi i taksave të paguara nga profesionistët e lirë, PD dorëzon nismën ligjore
-
Pjesë e grupit kriminal, GJKKO kalon për gjykim dosjen e ish-shoferit të Ministrisë së Brendshme
-
Qeveria miraton indeksimin e pensioneve, përfitojnë rreth 800 mijë pensionistë
-
Kompensim ushqimor për policët, firmoset urdhri
Lajmet kryesore
-
Feudalizmi i Futbollit: 12 Klube që Flasin Me Zë, Por Pa Mend dhe pa menduar
-
Qeveria miraton indeksimin e pensioneve, përfitojnë rreth 800 mijë pensionistë
-
Një komision ‘ursulacentrik’ me Francën dhe Spanjën si satelitë
-
A do të thirret para drejtësisë Besnik Bislimi për shkelje të “sovranitetit” dhe “integritetit territorial” të Kosovës?