Sport

Sfida që u shndërrua në derbin kryesor të Anglisë


Në “Anfield”, sot luhet sfida që viteve të fundit është shndërruar në derbin më të zjarrtë dhe kryesor të Anglisë.

Liverpool-i i Jurgen Klopp-it do të përballet me Manchester City-n e Pep Guardiola-s.

Si jo rrallë herë gjatë viteve të fundit, skuadrat vijnë në takimin e ndërmjetëm me synim kryesimin që është kreu i tabelës.

Me fillim në orën 17:30, gjithçka pushon, dhe sytë kthehen te dueli Liverpool – City.

Një pikë i ndan dy skuadrat, me të kuqt që kanë 14 dhe qytetarët që kanë 13.

Nga tre mungesa kanë dy skuadrat.

Te Liverpool-i, mungojnë Harvey Elliot, Trent Alexander-Arnold dhe Thiago Alcantara, të tre për shkak të lëndimit.

Të City, mungesë janë Gundogan dhe Zinchenko për shkak të lëndimit dhe Benjamin Mendy i suspenduar nga klubi për shkak të akuzave për përdhunim.

Edhe pse është një ndeshje në kuadër të javës së shtatë, kjo ndeshje mund të vlejë shumë për vazhdimësinë e sezonit.

City kërkon fitoren e dytë radhazi në një fushë të vështirë, pas asaj te Chelsea javën e kaluar.

Kurse, Liverpool-i kërkon rikthimin te fitorja pas barazimit shokues 3-3 përballë Brentford-it.

Skuadra e Klopp mbetet e vetmja skuadër e pamposhtur në Premier Leagued pas gjashtë ndeshjesh.

Salah, Mane, Van Dijk apo Grealish, De Bruyne, Dias, gjithçka do të zbulohet sot në mitikun e zjarrtë “Anfield”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore