![](https://albanianpost.com/wp-content/uploads/2023/07/aki2-853x480-1.jpg)
Inspektori i Përgjithshëm i Agjencisë së Kosovës për Inteligjencë (AKI), Kujtim Shala sërish është duke raportuar në Komisionin për Mbikëqyrjen e Agjencisë së Kosovës për Inteligjencë me dyer të mbyllur.
Në fillim mediat janë lejuar të marrin vetëm pamje, ndërsa pas mbledhjes kryetarja e Komisionit Ganimete Musliu, pritet që të mbajë konferencë për media.
Nga komisioni nuk janë bërë të ditura temat që do të diskutohet në Komision, nuk dihet nëse temë do të jetë edhe situata që ka qenë në Veri.
Edhe më 21 qershor, Inspektori i Përgjithshëm i Agjencisë së Kosovës për Inteligjencë, Kujtim Shala, ka raportuar në Komisionin për Mbikëqyrjen e Agjencisë së Kosovës për Inteligjencë me dyer të mbyllura.
Po ashtu në nëntor, raportimi në Agjencinë e Kosovës për Inteligjencë ishte mbajtur me dyer të mbyllura.
Kjo kërkesë kishte ardhur nga drejtori i AKI-së, Petrit Ajeti, pasi në atë kohë ishte thënë se do të diskutohej për zhvillimet në Veri.
Ndryshe, Kujtim Shala e mori këtë pozitë më 21 dhjetor të 2022-së, ndërsa në të kaluarën ai kishte shërbyer në Forcën e Sigurisë së Kosovës.
Kurse AKI-së ai i është bashkangjitur pas dorëheqjes së Burim Ramadanit nga kjo pozitë.
Ramadani, kishte shërbyer në AKI që nga 2019.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com