Kush janë drejtuesit më të paguar në Serie A? Vendi i parë është surprizues. Presidenti i Hellas Verona-s, Maurizio Setti, renditet në krye të listës së drejtuesve më të paguar, me rreth 4 milionë euro në sezon.
Italiania “Calcio e Finanza” ka publikuar pagat më të larta të shtatë drejtuesve në Serie A, në bazë të pasqyrave financiare të klubeve.
Dokumentet e klubeve kanë të bëjnë me sezonin e kaluar, 2020/21. Për gjashtë klubet kryesore të Serie A, Inter, Juventus, Milan, Lazio, Napoli dhe Roma pagat e drejtuesve u rritën me 16.6%, në krahasim me një sezon më parë.
E thënë ndryshe, këto gjashtë klube kanë paguar 12.7 milionë euro për drejtuesit e tyre në sezonin 2020/21. Një sezon më parë, 2019/20 kishin paguar 10.9%.
Në sezonin 2020/21, Roma kryeson listën me drejtuesit më të paguar. Kryeqytetasit paguan 3.58 milionë euro. Në vend të dytë vjen Milan-i, me 3.45 milionë euro. Dhe më pas renditen, Napoli me 2.2 milionë euro, Inter-i me 1.5 milionë euro, Juventus-i me 1.27 milionë euro dhe Lazio me 0.68 milionë euro.
Përsa i përketë emrave të përveçëm, Presidenti Setti i Hellas Verona-s mban kryesimin me 3.788 milionë euro në sezon.
Në vend të dytë renditet, Ivan Gazidis-i, Drejtori Ekzekutiv i Milan-it, me pagë 3.15 milionë euro. Në vend të tretë renditet, Fabio Paratici, ish-drejtori menaxhues i futbollit në klubin e Juventus-it, aktualisht te Tottenham-i, me pagë 2.629 milionë euro.
Guido Fienga, Drejtori Ekzekutiv i Roma-s mban vendin e katërt me 2 milionë euro në sezon. Mauro Baldissoni, zëvendëspresidenti i Roma-s renditet i pesti me 1.51 milionë euro.
Më pas vijnë tre president klubesh. Claudio Lotito i Lazio-s dhe Paolo Scaroni i Milan-it marrin nga 600 mijë euro. Andrea Agnelli i Juventus-it përfiton 512 mijë euro.
Listën e shtatë më të paguarve e mbyll, zëvendëspresidenti i Juventus-it, Pavel Nedved-i. Çeku përfiton 436 mijë euro në sezon.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kosova përfundimisht mbetet jashtë agjendës për Këshillin e Evropës
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’