Sergio Perez triumfon edhe në Baku pas Arabisë Saudite, kështu duke marrë fitoren e dytë radhazi në Formula1.
Pas kësaj fitoreje, Perez barazoi në renditjen e pilotëve, shokun e skuadrës te Red Bull, kampionin në fuqi të botës, Max Verstappen.
CHECO WINS IN BAKU!! #AzerbaijanGP #F1 pic.twitter.com/1k6frIwewk
— Formula 1 (@F1) April 30, 2023
Ky i fundit e mbylli garën në vendin e dytë, për shkak të një gabimi në ndërrimin e gomave, ndonëse parakaloi dy herë pilotin e Ferrarit, Charles Leclerc, i cili edhe u nis i pari në Çmimin e Madh të Azerbajxhanit.
Piloti nga Monaco e mbylli garën vetëm në vendin e tretë, duke futur Ferrarin për herë të parë këtë sezon në podium, teksa po për herë të parë mbeti jashtë treshes edhe Fernando Alonso, i cili e kishte nisur mjaft mirë vitin.
Fitorja ringjall shpresat e Perez për t’i mohuar Verstappen-it një titull të tretë radhazi, me RB19 dominuese që duket të jetë në ligën e vet në vitin 2023, me dyshen që tani kanë nga dy fitore secili në katër garat e para të sezonit.
Rezultati i garës GP të Azerbajxhanit:
1) Sergio Perez, Red Bull
2) Max Verstappen, Red Bull
3) Charles Leclerc, Ferrari
4) Fernando Alonso, Aston Martin
5) Carlos Sainz, Ferrari
6) Lewis Hamilton, Mercedes
7) Lance Stroll, Aston Martin
8) George Russell, Mercedes
9) Lando Norris, McLaren
10) Yuki Tsunoda, AlphaTauri
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
