Serbia dhe Bjellorusia, dy shtetet e vetme që nuk dënuan agresionin rus në Ukrainë

Serbia dhe Bjellorusia, janë dy shtetet e vetme në Evropë që nuk e kanë dënuar agresionin rus në Ukrainë, e cila për të dytën ditë me radhë po sulmohet nga shteti rus.

Ndërsa është raportuar për 137 të vrarë dhe mbi 100 mijë persona janë larguar nga shtëpitë e tyre.

Këto janë dy shtete që ende nuk janë deklaruar rreth sulmeve ruse atje.

Vendet e tjera të rajonit, Kosova, Shqipëria, Maqedonia e Veriut, e edhe Bosnja dhe Hercegovina kanë dënuar sulmet ruse në Ukranië, bën të ditur Radio Evropa e Lirë.

Presidenti i Shteteve të Bashkuara të Amerikës, Joe Biden deklaroi të enjten e 25 shkurtit se sanksionet e reja të shpallura kundër Rusisë për pushtimin e saj në Ukrainë do të kërkojnë pak kohë që të ndjehen ndikimet e tyre të plota nga Rusia dhe ekonomia e saj.

Kryeministri i Mbretërisë së Bashkuar, Boris Johnson, ka vendosur të sanksionojë 100 persona dhe subjekte si pjesë e ndëshkimeve të mëtejshme kundër Rusisë, ndërkaq e ka krahasuar agresionin e Putinit në Ukrainë me atë të Millosheviçit në Kosovë.

Në një fjalim në parlamentin e Mbretërisë së Bashkuar, kryeministri tha se Mbretëria e Bashkuar po shpall “paketën më të madhe dhe më të ashpër të sanksioneve që Rusia ka parë ndonjëherë”.

Presidenti ukrainas Volodymyr Zelensky, ka bërë me dije se ka biseduar me Kryeministrin britanik  Boris Johnson.

Zelensky i ka raportuar për rrjedhjen e mbrojtjes së Ukrainë dhe rreth sulmeve tinëzare ndaj Kievit nga agresori.

“Sot Ukraina ka nevojë për mbështetjen mbrojtëse të partnerëve më shumë se kurrë. Ne kërkojmë kundërveprim efektiv nga Federata Ruse. Sanksionet duhet të forcohen më tej”, ishte kërkesa e Presidentit ukrainas në këto orë të vështira për të dhe kombin e tij.

Për t’u njoftuar rreth zhvillimeve më të fundit lidhur me Ukrainën, klikoni KËTU.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.