Selmanaj për aferën me ambalazhues: Aliu nga konfuziteti tha shumë të pavërteta – është në siklet të madh
![](https://albanianpost.com/wp-content/uploads/2024/05/999999999999998.png)
Deputeti i Lidhjes Demokratike të Kosovës, Driton Selmanaj, pas fjalimit të ministrit Liburn Aliu, lidhur me arsyetimet që dha në Kuvendin e Kosovës për aferën me kompanitë e Ambalazhuesve të ujit, ku me vartësit e tij ka falur borxhe dokumente të cilat janë publikuar nga Albanian Post ka thënë se Aliu në sqarimin e tij ishte i paqartë.
Por, që e kupton se nuk është lehtë të flasësh për një skandal të tillë.
“Unë e dëgjova ministrin me kujdes, ai ishte krejtësisht konfuz dha informata të pasakta. Por, jam i bindur është në një siklet i madh, sepse aty do të dalë një skandal i madh për të cilin dikush do të jap përgjegjësi dhe si duket ministri dhe vartësit e tij janë të tillë që do të shkojnë aty”, ka thënë Selmanaj.
Deputeti i LDK-së në seancën e së enjtes theksoi se të gjitha ato të cilat i tha Aliu janë gënjeshtra.
“Shumë të pavërteta. Ka dhjetëra vendime edhe vendime preliminare por edhe vendimi për ambalazhues të ujit, ai tha se s’ka asnjë vendim të nxjerrë nga ana e tij është e vërtetë që ndoshta nënshkrimi i tij nuk është por është nënshkrimi i tij i vartësit të tij Naser Hafizi”.
Aliu, për herë të dytë ka tentuar të arsyetohet për aferën me kompanitë e Ambalazhuesve të ujit, ku me vartësit e tij ka falur borxhe dokumente të cilat janë publikuar nga Albanian Post.
Aliu nga foltorja e Kuvendit të Kosovës, ka thënë se s’ka asnjë vendim për falje të borxhit duke thënë se pagesat janë bërë rregullisht.
“Nuk ka asnjë vendim për falje të asnjë borxhi, qysh njëjtë nuk ka asnjë vendim i cili e përcakton borxhin milionësh. Çka ka? Ka pagesa të rregullta normale, qysh kanë qenë në secilën Qeveri, sipas raportimeve të kompanive për sasinë e ujit të shitur që e kanë pasur”, ka thënë ai.
Në vend të fakteve Aliu vendosi të përdorë disa argumente të çuditshme.
“As biletat, as peshqit nuk mund të maten me ujëmatëse e as me sasi të ujit. Çka mund të bëhet? Krejt mund të supozohet që një kompani ka mundur të prodhoj kaq, po supozojmë që atë kompani që e ka prodhuar e ka shitur, atëherë mund të themi që kaq maksimalisht ke mund të shesësh”.
“Por, kjo nuk mund të vijë në vendim të themi që filan kompania i paska shitur kaq miliona e miliarda ujë. Nëse themi 90 milionë euro borxh edhe e konsiderojmë që qenka borxh kjo i bie që të pretendojmë që qenka me dhjetëra miliarda ujë të shitur në vendin tonë”.
Sipas tij, kompanitë e ujit kanë pasur borxhe në secilën Qeveri.
Ekskluzive: Hajnia multi-milionëshe e Liburn Aliut dhe Naser Hafizit
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com