Sindikata e Bashkuar e Arsimit, Shkencës dhe Kulturës e Kosovës (SBASHK), po kërkon nga Qeveria e Kosovës, rritje të vlerës së koeficientit të pagave prej së paku 30 për qind, që do të fillonte së zbatuari me pagën e muajit shtator 2024.
Përmes një diskutimi mes SBASHK-ut dhe kryetarëve të Sindikatave Komunale të Arsimit Parauniversitar (SKAP), është arritur marrëveshje për formimin e një komisioni që do të hartojë Draft-Kontratën Kolektive të Arsimit të Kosovës, e cila do të përfundohet brenda një jave.
E njëjta më pas do të dërgohet për diskutim publik tek anëtarësia për të hartuar draftin final që do të dorëzohet në Ministrinë e Arsimit, Shkencës, Teknologjisë dhe Inovacionit.
Më 13 gusht, ministrja e Arsimit, Shkencës dhe Teknologjisë, Arbërie Nagavci, i ishte përgjigjur paralajmërimeve të kryetarit të Sindikatës së Arsimit, Shkencës dhe Kulturës, Rrahman Jasharaj, i cili kishte thënë se nëse s’do të ketë rritje të pagave për punonjësit e arsimit po e konsiderojnë si mundësi hyrjen në grevë.
Por, sipas Nagavcit, nuk ka asnjë arsye për grevë duke thënë se i kanë të vazhdueshme komunikimet me mësimdhënës.
“Deklarata të përvitshme, e ta vazhdueshme. Konsideroj që nuk ka as kohë e as nevojë e as arsye për grevë. Zv/ministri është takuar me kryetarin e SBAShK-ut. Kemi komunikim të vazhdueshëm, edhe me shkolla e mësimdhënës”, tha ajo në konferencë për media të martën.
Qeveria e udhëhequr nga kryeministri Albin Kurti, në vitin 2022, nuk kishte gjetur zgjidhje për fillimin e procesit mësimor, kjo pasi sindikatat kishin hyrë në grevë për të kërkuar rritje të pagave.
Në vitin 2022, greva që nisi rezultoi të jetë greva më e madhe që është mbajtur ndonjëherë në Kosovë.
Përveç tyre, në grevë kishin qenë edhe punëtorët e administratës publike, si dhe shërbyesit civilë në institucione lokale dhe qendrore.
Partitë opozitare dhe përfaqësues të organizatave të shoqërisë civile në Kosovë vazhdimisht kishin shprehur shqetësimin për grevën e mësimdhënies në sektorin publik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Luhrmann: Në përpjekjet e Sarrazinit për të gjetur zgjidhjen më të mirë të mundshme, duhet të angazhohet edhe Qeveria e Kosovës
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel
-
MPB-ja s’e komenton kërkesën e Vuçiçit për kthimin e serbëve në Policinë e Kosovës
-
Procesi i Berlinit dhe masat e BE-së kundër Kosovës, në fokus të takimit Osmani-Lührmann
Lajmet kryesore
-
Afati përfundimtar për hapjen e qendrave të emigrantëve në Shqipëri është tetori, thotë ministri i Brendshëm italian
-
Zyrtarja e lartë amerikane takon Dumanin dhe i garanton mbështetje pa kushte për reformën në drejtësi
-
Konflikti dhe konkurrenca në Evropë
-
Kryenegociatorët e Kosovës dhe Serbisë nesër në zyrën e Lajçakut mes paqartësive nëse do të ketë takim trepalësh në Bruksel