Kryeministri i Shqipërisë, Edi Rama, e ka nisur fundjavën e parë të gushtit, duke publikuar një video nga bregdeti i Sarandës, ku ai e cilëson këtë të fundit si “më i bukur se asnjëherë tjetër”.
Në pamjet e shfaqura në video, duket edhe shëtitorja e Sarandës, e njohur ndryshe si Lungomare. Këto projekte kanë qenë në vëmendje të zhvillimit të qyteteve të mëdha jugore, si Vlora apo Saranda.
Po ashtu, në video shfaqen edhe pamjet e disa plazheve publike, ku qytetarët shijojnë pushimet e verës.
Porti, i cili mirëpret anije me turistë, nuk mund të mungonte në këtë shpalosje të bukurive sarandiote.
Bregdeti i ekstremit jugor në Shqipëri mbetet ndër më të frekuentuarit. Me plazhe të njohura si “Pasqyrat” apo edhe më tej në skajin jugor si “Tre Ishujt” në Ksamil, Saranda është ndër epiqendrat kryesore të pushuesve.
Mbi të gjitha, e cilësuar edhe si një ndër perlat e bregdetit jonian.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
