Spanja ka ndryshuar anë në betejën e vazhdueshme midis shteteve anëtare në Bruksel lidhur me propozimin e Komisionit Evropian për të vendosur detyrime kundër subvencioneve ndaj automjeteve elektrike kineze.
“Duhet të jem i sinqertë…mendoj se duhet të rishqyrtojmë, të gjithë ne, jo vetëm shtetet anëtare, por edhe Komisionin, pozicionin tonë”, ka bërë me dije kryeministri Pedro Sanchez gjatë një vizite në Kinë.
“Ne nuk kemi nevojë për një luftë tjetër, në këtë rast një luftë tregtare”.
Ndërkohë presidenti kinez Xi Jinping inkurajoi të hënën Sanchez të luajë një “rol konstruktiv”.
Por më shumë se fjalët, kërcënimet duket se funksionojnë, veçanërisht ai i masave hakmarrëse ndaj mishit të derrit të importuar nga Spanja.
Sipas Sanchez, është e rëndësishme të gjendet një “kompromis” midis BE-së dhe Kinës dhe të shmanget një konflikt.
Në një votim jo-detyrues në korrik, Spanja ishte midis 11 vendeve që votuan në favor të detyrimeve kundër subvencioneve të propozuara nga Komisioni.
Vetëm katër vende votuan kundër. Nëntë shtete të tjera anëtare abstenuan, përfshirë Gjermaninë, ku industria e automjeteve po lobon kundër tarifave.
Votimi përfundimtar për propozimin e Komisionit pritet të bëhet nga fundi i shtatorit deri në fillim të tetorit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
