Një njoftim i planifikuar për zgjerimin e BRICS-it në një samit të ardhshëm në Afrikën e Jugut do të shënojë një ndryshim të rëndësishëm në rendin global, tha ambasadori i vendit në bllokun pesë-vendesh.
Lajmi u bë i ditur nga kompania “Bloomberg”.
Krerët e shteteve nga Brazili, Rusia, India, Kina dhe Afrika e Jugut do të bëjnë një deklaratë për zgjerimin e grupit kur të takohen më vonë këtë muaj, tha Anil Sooklal në një konferencë në Johannesburg të mërkurën.
Njëzet e dy vende kanë kërkuar zyrtarisht të bëhen anëtarë me kohë të plotë të grupit dhe më shumë se 20 të tjerë kanë paraqitur kërkesa joformale.
BRICS është bërë “një forcë e fuqishme globale që po sjell ndryshime në botë”, tha ai.
“Ky ndryshim nuk vjen vullnetarisht. BRICS ka qenë një katalizator për një ndryshim tektonik që do të shihni në arkitekturën gjeopolitike globale duke filluar me samitin”, shtoi ambasadori afrikano-jugor.
Deri më tani, përfaqësues nga 71 vende janë ftuar për të marrë pjesë në samit, tha Sooklal. Takimi do të zhvillohet në Johanesburg në datat 22-24 gusht.
“Kjo do të jetë mbledhja më e madhe në kohën e fundit e vendeve nga Jugu Global që mblidhen së bashku për të diskutuar sfidat aktuale globale”, tha ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Protestat në kampusin amerikan: Grupet rivale të protestës në Gaza përleshen në UCLA
-
Diplomatët shpresojnë për një marrëveshje ndërsa Izraeli zbut qëndrimin
-
Anketa e IRI për Kosovën: SHBA-të aleati më i rëndësishëm, Serbia kërcënimi më i rrezikshëm
-
Liria e medias “rrezikshëm afër pikës së thyerjes” në disa vende të BE-së
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE