Salmoni është ndër ushqimet që këshillohet më së shumti të konsumohet, nga studiuesit.
I pasur me acide yndyrore omega-3, vitaminë B12 dhe ushqyes të tjerë esenciale, salmoni është i mrekullueshëm për shëndetin e flokëve dhe lëkurës. Shija e mrekullueshme dhe përfitimet e shkëlqyera shëndetësore të salmonit e bëjnë atë një nga peshqit më të dashur në botë, shkruan e përditshmja “The Health”.
Salmoni është një peshk popullor yndyror që përmban yndyrna të mira. Kjo e bën atë të mirë për shëndetin e zemrës dhe kolesterolin. Një sasi e mirë e proteinave, vitaminave, mineraleve dhe përmbajtjes së acidit yndyror omega-3 dhe -6 kontribuon në shëndetin e përgjithshëm.
Përfitimet shëndetësore të salmonit
Salmoni është një burim i shkëlqyeshëm ushqimor për zemrën dhe trurin. Studimet mjekësore kanë zbuluar se marrja e 0.45 deri në 4.5 gramë acide yndyrore omega-3 mund të përmirësojë ndjeshëm funksionimin e zemrës, të ulë presionin e gjakut dhe të zvogëloj inflamacionin. Peshku gjithashtu kontribuon në shëndetin njohës (kognitiv) për shkak të pranisë së DHA-një lloj acidi yndyror i omega-3.
Përmirëson shëndetin kardiovaskular
Salmoni është një burim i pasur i acideve yndyrore omega-3 (EPA dhe DHA) dhe kaliumit. Acidet yndyrore omega-3 dhe -6 të kombinuara me kalium në masë të madhe kontribuojnë në shëndetin e zemrës, pasi zvogëlojnë inflamimin e arterieve, ulin nivelet e kolesterolit dhe mbajnë nivelet e presionit të gjakut.
Burim i shkëlqyeshëm i vitaminës B kompleks
Salmoni është i pasur me të gjithë grupin e vitaminës B-B3, B5, B7, B6, B9, B12 dhe kështu me radhë. Kompleksi i Vitamina B luan rol kryesor në ruajtjen e një ekuilibri të shëndetshëm të të gjitha funksioneve trupore. Grupi B i vitaminave punon në mënyrë të pavarur për ta kthyer ushqimin e konsumuar në energji, për të krijuar dhe riparuar ADN-në, dhe për të zvogëluar inflamacionin.
Përmirëson shëndetin e trurit
Nivelet e larta të DHA punojnë në bashkëpunim me vitaminën A, vitaminë D dhe selenin në salmon për të rritur dhe përmirësuar funksionin e trurit. Në fakt, shtojcat e acidit yndyror omega-3 përdoren për të trajtuar çrregullime psikologjike, si sëmundjen e Alzheimerit dhe Parkinsonit.
Përshtatur nga “ The Health” për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
