Mark Montgomery dhe Ivana Stradner nga Fondacioni për Mbrojtjen e Demokracive (FDD), në një artikull të përbashkët mbi zhvillimet e fundit në rajon, konsiderojnë se Rusia do të shkaktojë telashe në Ballkanin Perëndimor, posaçërisht në Kosovë dhe Bosnje-Hercegovinë, në përpjekje për të dëshmuar dobësinë e NATO-s përmes përshkallëzimit të tensioneve.
“Përderisa të gjithë sytë janë nga Ukraina, një tjetër konflikt është duke shpërthyer në Evropë. Tre dekada pas shpërbërjes së përgjakshme të Jugosllavisë, përplasjet e fundit midis Serbisë dhe Kosovës rindezën konflikte të vazhdueshme etnike. E ndërsa Beogradi drejton ngjarjet në terren, Moska ndez flakët”, alarmojnë ekspertët amerikanë të sigurisë dhe informacionit.
Montgomery dhe Stradner paralajmërojnë gjithashtu se Rusia është duke përçuar mesazhe pro-luftës në Serbi, madje dërgon edhe armë. Në artikull përmendet edhe zotimi i Serbisë për të rritur shpenzimet ushtarake këtë vit dhe hapjen e qendrës së ashtuquajtur humanitare të drejtuar nga Rusia afër bazës kryesore të NATO-s në Kosovë që shërben si qendër ruse spiunazhi.
Duke përmendur sulmin e dhunshëm të protestuesve serbë në fund të majit të vitit të kaluar në Zveçan – komunë e banuar me shumicë serbe – në veri të Kosovës, por edhe sulmin terrorist të paramilitarëve serbë në fshatin Banjë në shtator të të njëjtit vit, ekspertët amerikanë alarmojnë se Rusia do të vazhdojë “raundin e dytë” të përshkallëzimit edhe gjatë vitin 2024.
“Perëndimi duhet të parandalojnë paqëndrueshmërinë e mëtejshme në rajon. NATO duhet të rifokusojë burimet ushtarake dhe diplomatike atje dhe të përforcojë angazhimet ushtarake në Kosovë. Një koalicion i anëtarëve të gatshëm të NATO-s duhet të angazhohet publikisht tani për të ofruar ndihmë ushtarake nëse Serbia ose Rusia ndërmarrin hapa agresivë”.
Ndryshe, për shumë vëzhgues të huaj, perspektiva e rrëshqitjes drejt skajeve të krizës nuk mund të izolohet; derisa u krijohet mundësia lojtarëve lokalë serbë të lidhur me interesat ruse të zgjerojnë hijen kërcënuese dhe të provokojnë konflikte, tani rreziku i ri-përshkallëzimit rri i varur mbi mbarë Ballkanin Perëndimor të rrethuar nga armiqësitë etnike.
Në raportin e përvjetshëm të vlerësimit të kërcënimeve globale të sigurisë, komuniteti i inteligjencës amerikane paralajmëroi ngritje të nivelit të rrezikut nga përshkallëzimi i mëtejmë i dhunës në Ballkanin Perëndimor përgjatë vitit 2024, derisa u përmenden tensionet midis Kosovës dhe Serbisë në pjesën veriore të Kosovës që karakterizuan rajonin gjatë vitit 2023.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Komplot rus për të vrarë Zelenskyn, arrestohen zyrtarët ukrainas
-
Hakerët pro-rusë pretendojnë sulme kundër faqes së Melonit dhe të ministrive
-
Betimi i Putinit – Oligarkë, patriarkë dhe nipër sekretë
-
Zyrtarët e Ministrisë së Infrastrukturës lirohen nga akuza për keqpërdorim detyre për autostradën e Gjilanit
Lajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Me tensione të herëpashershme, mbyllet protesta e opozitës para Bashkisë Tiranë
-
Betimi i Putinit – Oligarkë, patriarkë dhe nipër sekretë
-
Kosova e Serbia s’mund të përfitojnë nga miliardat e BE-së pa i normalizuar raportet