Një shtetas rumun është kapur në pikën kufitare të Morinës, teksa po transportonte një sasi prej 70 kilogramësh lëndë narkotike, të dyshuar kanabis sativa.
Operacioni i zhvilluar nga strukturat hetimore të Policisë së Kukësit, në bazë të informacioneve të siguruara për një rast të tentativës për trafikim ndërkombëtar të lëndëve narkotike, nga Kukësi me destinacion një nga vendet e BE-së, në bashkëpunim me Policinë Kufitare dhe me autoritetet doganore, kanë bërë të mundur kapjen e 48-vjeçarit.
F.B., e kishte fshehur drogën në pjesën e poshtme të automjetit, ku kishte përshtatur një hapësirë për fshehjen e kanabisit.
Në përfundim të veprimeve procedurale, specialistët e Sektorit për Hetimin e Narkotikëve dhe Trafiqeve të Paligjshme të DVP Kukës arrestuan në flagrancë shtetasin F. B., 48 vjeç, banues në Rumani, për veprën penale “Trafikimi i narkotikëve”.
Materialet procedurale i kaluan Prokurorisë pranë Gjykatës së Rrethit Gjyqësor Kukës, për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
