![](https://albanianpost.com/wp-content/uploads/2023/11/hara.jpg)
Ish-deputeti nga radhët e Aleancës për Ardhmërinë e Kosovës (AAK), Daut Haradinaj, ka thënë se rruga Prishtinë-Pejë po i demanton institucionet përgjegjëse, kjo pas reshjeve të borës, duke treguar kështu mospastrimin e rrugëve nga ana e institucioneve relevante.
“Dilni në terren pak o qeveritarë e shihni si është gjendja, me kilometra kolonë”, shkroi Haradinaj në llogarinë e tij në Facebook.
Nëse vazhdon me ra borë kësisoj, paralajmëroi ish-deputeti i AAK-së, “vaj halli për ne!”.
“Mos thoni që reshjet e borës janë të befasishme, sepse borë në Gusht nuk bien, vetëm dimrit!”, përfundoi ai.
Reshjet e borës që kanë filluar që nga orët e para të mëngjesit të së shtunës, kanë vështirësuar qarkullimin rrugor në shumë zona të Kosovës.
Nga pamjet që janë publikuar nga qytetarë të shumtë shihen rrugët e papastruara nga institucionet kompetente, çka ka bërë që të trafiku të rëndohet, duke u krijuar kështu kolona të gjata.
![](https://scontent.fprn4-1.fna.fbcdn.net/v/t39.30808-6/403177238_10160260473422029_980112930119057552_n.jpg?stp=cp6_dst-jpg&_nc_cat=109&ccb=1-7&_nc_sid=5f2048&_nc_ohc=GOKVF50vrjMAX8gXQC2&_nc_ht=scontent.fprn4-1.fna&oh=00_AfCMv1n8Y7BcFaK6e7AVEaWV5nS8bUO2rT46mNzjlmJRsg&oe=6567104F)
Deri më tani, sa i përket gjendjes së rrugëve, nuk ka pasur reagim nga institucionet e Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com