Rreth orës 9:45, një autobus i linjës Prishtinë-Grac të Austrisë, i kompanisë turistike “Zhitia Tours” është rrotulluar në Krushevc të Serbisë, ku kanë mbetur të lënduar së paku 9 udhëtarë.

Sipas informatave të Albanian Post, asnjëri nga të lënduarit nuk është në rrezik për jetë, ndërsa shkaqet që kanë quar deri te rrokullisja e autobusit i cili ishte duke shkuar në drejtim të Gracit, kanë qenë kushtet e rënda në rrugë si pasoj e të reshurave të dëborës dhe ngricave.

Kurse sipas mediave serbe ekipi i ambulancës ka mbërritur në vendngjarje, ku deri më tani disa persona janë transportuar për në Spitalin e Krushevcit.

Të gjithë pasagjerët që nuk kanë pësuar lëndime gjatë aksidentit thuhet se kanë vazhduar rrugëtimin e tyre me një autobus tjetër që u erdhi në ndihmë.

Sipas pamjeve të siguruara nga vendi i ngjarjes shihet se xhami i përparmë i autobusit është thyer, nga ku besohet se kanë arritur të dalin të mbijetuarit e aksidentit, percjell Pink.

Ndërsa zyrtari ndërlidhës i Republikës së Kosovës në Beograd ka udhëtuar drejt vendit të ngjarjes ka bërë të ditur Qeveria e Kosovës.