Rritja e përdorimit të ushtrive private, SHBA blerësi më i madh i shërbimeve ushtarake

Numri i ushtrive private në pikat e nxehta në mbarë botën është në rritje dhe SHBA-të konsiderohen si blerësi më i madh i shërbimeve ushtarake, shkruan Frankfurter Allgemeine Zeitung (FAZ).

Gazeta gjermane vë në dukje se shumë ushtri private dhe paraushtarakë si Wagner po luftojnë në Ukrainë, si dhe se shumë qeveri të tjera në mbarë botën mbështeten në ushtritë private si Wagner ose Blackwater, por thekson se është mjaft e rrezikshme t’i punësosh ato.

Kjo, pavarësisht faktit se gëzojnë besimin e qeverive dhe për të cilat kanë nevojë.

Shfaqja e grupeve private ushtarake si Wagner ose kompania amerikane Blackwater ndjek ligjin e ofertës dhe kërkesës, dhe origjina e këtyre formacioneve mund të shihet në periudhën pas përfundimit të Luftës së Ftohtë, kur miliona ushtarë mbetën të papunë ndërsa ishin pajimet ushtarake kalbeshin nëpër depo, sipas gazetës gjermane në analizën e ushtrive private.

Kërcënimet klasike u zhdukën, pasi shumë qeveri filluan të shkurtonin buxhetet ushtarake, të pushonin nga puna ushtarët, të nxirrnin në ankand pajisje ushtarake dhe të kontraktonin shërbime të tilla si trajnimi, logjistika dhe siguria me shpresën për të ulur kostot, duke krijuar një boshllëk që u mbush nga sektori privat.

Kontraktorët privatë ushtarakë ishin blerës dhe njohës të mirë të pajisjeve dhe ushtarëve me përvojë, dhe po aq të gatshëm për të ofruar shërbime të tjera që qeveria do të blinte, dhe kishte nevojë për këtë pasi luftërat vazhduan pas Luftës së Ftohtë.

FAZ pretendon se Pentagon-i ka punësuar vazhdimisht më shumë kompani ushtarake gjatë konflikteve të pas vitit 2010 në Afganistan dhe Irak sesa ushtarë të rregullt.

Teksti shton se sot Rusia përdor kontraktorët privatë ushtarakë për të vazhduar të paraqitet si një faktor fuqie në botë.

Sipas Shërbimit Informativ të Kongresit Amerikan, Wagner ndihmoi forcat ruse në marrjen e Krimesë dhe Sirisë në vitin 2014, ku kompania ka marrë herë pas here një rol udhëheqës në strategjinë ushtarake.

Në shkurt 2018, 500 ushtarë me tanke dhe artileri sulmuan një objekt gazi të një kompanie amerikane në një rajon kryesisht kurd të Sirisë, ku ushtarët amerikanë janë vendosur për të ruajtur objektin së bashku me trupat siriane dhe kurde.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.