Misionit paqeruajtës të NATO-s në Kosovë, KFOR, do t’i bashkohen së shpejti edhe 20 ushtarë amerikanë.
Lajmi është bërë i ditur nga ambasada e Shteteve të Bashkuara të Amerikës (ShBA) në Kosovë, e cila ka publikuar njoftimin e Grupit të Mbështetjes Rajonale 734, ku theksohet se ata do të ofrojnë mbështetje për forcat e ShBA-së dhe NATO-s përgjatë operacioneve paqeruajtëse në Kosovë.
“Familja dhe miqtë së bashku me liderët vendorë dhe shtetërorë u mblodhën gjatë ditës së sotme për t’i përcjellë rreth 20 ushtarë nga Kompania e Policisë Ushtarake 186, të cilët po vendosen në Kosovë. Ata do të ofrojnë mbështetje për ligjin dhe rendin për forcat e SHBA-së dhe NATO-s gjatë operacioneve të vazhdueshme paqeruajtëse ndërkombëtare”, thuhet në njoftim.
Misionit të NATO-s në Kosovë, KFOR, pas tensioneve të fundit në Veri të Kosovës, posaçërisht pas sulmit terrorist në Banjë të Zveçanit më 24 shtator, i janë shtuar trupat në rradhët e tij, për të treguar kështu vendosmërinë e Aleancës në parandalimin e çfarëdo incidenti që mund të shkaktonte ndonjë krizë më të gjerë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gërvalla akuzoi BE-në për njohjen e pasaportave ilegale serbe – “kështu kur vepron njëanshëm për “veprime sovraniste” në Veri
-
Jep dorëheqje shefi i urgjencës në QKMF-në në Gjilan – shkak skandalet e të tjerëve dhe heshtja e kryetarit Hyseni
-
Osmani krahas liderëve botërorë në Olimpiadën Paris 2024: Kosova beson në fuqinë transformuese të sportit
-
Ramadani i kundërpërgjigjet Sveçlës: Ikja nga rafalet e armës s’është trimëri, ende të përqeshin
