![](https://albanianpost.com/wp-content/uploads/2024/01/ushtaret.jpg)
Misionit paqeruajtës të NATO-s në Kosovë, KFOR, do t’i bashkohen së shpejti edhe 20 ushtarë amerikanë.
Lajmi është bërë i ditur nga ambasada e Shteteve të Bashkuara të Amerikës (ShBA) në Kosovë, e cila ka publikuar njoftimin e Grupit të Mbështetjes Rajonale 734, ku theksohet se ata do të ofrojnë mbështetje për forcat e ShBA-së dhe NATO-s përgjatë operacioneve paqeruajtëse në Kosovë.
![](https://scontent.fprn4-1.fna.fbcdn.net/v/t39.30808-6/417514625_683742967281171_4719160753917349783_n.jpg?_nc_cat=100&ccb=1-7&_nc_sid=3635dc&_nc_ohc=wF_mAiVzn08AX9JVHC4&_nc_ht=scontent.fprn4-1.fna&oh=00_AfArOSHIFlFnFa4uGN5Oter6HRzIep9JBUr-Kir0r2me0w&oe=65A364DC)
“Familja dhe miqtë së bashku me liderët vendorë dhe shtetërorë u mblodhën gjatë ditës së sotme për t’i përcjellë rreth 20 ushtarë nga Kompania e Policisë Ushtarake 186, të cilët po vendosen në Kosovë. Ata do të ofrojnë mbështetje për ligjin dhe rendin për forcat e SHBA-së dhe NATO-s gjatë operacioneve të vazhdueshme paqeruajtëse ndërkombëtare”, thuhet në njoftim.
Misionit të NATO-s në Kosovë, KFOR, pas tensioneve të fundit në Veri të Kosovës, posaçërisht pas sulmit terrorist në Banjë të Zveçanit më 24 shtator, i janë shtuar trupat në rradhët e tij, për të treguar kështu vendosmërinë e Aleancës në parandalimin e çfarëdo incidenti që mund të shkaktonte ndonjë krizë më të gjerë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com