I riu që ka vizituar gjithë botën

Tanimë ai është kthyer në njeriun e njohur të rrjeteve sociale: si i riu që ka udhëtuar në plot 197 shtete.

Gjithçka që nevojitet: “pasion” dhe “jo domosdoshmërish para”.

Kështu shprehet 30-vjeçari amerikan Drew Binsky, i cili në më pak se një dekadë, ka arritur të vizitojë çdo “qoshe” të botës.

Në një intervistë për “CNBC”, Binsky, i cili zbarkoi në Arabinë Saudite, tregoi një metodë befasuese të organizimit të vizitave në secilin vend.

“Plani im është të mos kem plane. Më pëlqen të jem spontan. Momentet më të bukura të jetës vijnë kur dilni nga zona juaj e rehatisë”, u shpreh ai.

Aktualisht, ai ka një kanal në “YouTube” me më shumë se dy milionë ndjekës, në të cilin tregon eksperiencat e tij të shumta përgjatë udhëtimeve që ka bërë.

Amerikani zbulon se një mendim për vendet ku ka shkelur këmba e tij e ka marrë nga ndjekësit e tij në rrjetet sociale, të cilët e kanë ndihmuar gjatë vizitave në vendet përkatëse.

Jo (gjithmonë) nevojitet një vizë

Përveç kësaj, ai zbuloi se ka vizituar deri në 197 vende pa pasur nevojë të marrë vizë.

Lidhur me mënyrën sesi i financonte të gjitha udhëtimet, Binsky zbuloi se rroga e parë që mori ishte si mësues i anglishtes në Korenë e Jugut, ku fitonte rreth 2 mijë dollarë në muaj.

Nuk ishte i vetmi burim financimi për këtë udhëtar, pasi ai fitoi deri në 30 mijë dollarë me rrjetin social Snapchat, nga të cilat 5 mijë dollarë për pjesëmarrjen në lojërat e Rio de Janeiro në 2016.

Momenti më i vështirë?

Gjatë intervistës ai ka rrëfyer se ka rezultuar pozitiv me COVID-19 pas një testi që i është bërë në Iran.

“Momenti më i vështirë”, ka thënë ai.

Në përmbyllje, ai zbuloi se tani burim i të ardhurave janë reklamat dhe një kanal në YouTube.

Ai fitoi më shumë të ardhura, përveç blogut të tij të udhëtimit, me të cilin arriti të ulte kostot e udhëtimit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.