Rakiç: KFOR-i po pengon hyrjen e Njësisë Speciale në Komunën e Zeçanit, pas kërkesës sonë

Ndërsa në mëngjesin e së enjtes qytetarët serbë janë mbledhur për të protestuar në Zveçan, Leposaviq dhe Zubin Potok kundër kryetarëve shqiptarë të këtyre komunave, kryetari i Listës Serbe, Goran Rakiç, ka pretenduar se KFOR-i është dislokuar në pesë pika të ndryshme të Komunës së Zveçanit për të penguar hyrjen e Njësisë Speicale të Policisë në këtë qytet.

Sipas Rakiç ky vendim i KFOR-it ka ardhur pas kërkesës së Listës Serbe, kërkesë kjo e artikuluar në takimin e ditës së djeshme midis përfaqësuesve të kësaj Liste me kolonelin amerikan të KFOR-it, të cilët po kujdesen për mbarëvajtjen e sigurisë në Komunën e Zveçanit.

“Pas takimit të djeshëm me komandantin e përgjithshëm të kësaj pjese, kolonelin amerikan të KFOR-it, morëm garanci dhe shohim se sot e kanë përmbushur premtimin e tyre, kanë dislokuar forcat e tyre në pesë pika të zonës, për të penguar hyrjen e Njësia Speciale të Policisë për të parandaluar ndonjë incident eventual”.

Ndonëse ditë më parë struktural paralele serbe të dirigjuar nga Lista Serbe sulmuan në mënyrë brutale ushtarët e KFOR-it në Komunën e Zveçanit, Rakiç, ka deklaruar se “populli serb nuk ka asnjë problem me pjesëtarët e KFOR-it”.

“I bëj thirrje popullit serb që të bashkëpunojmë me pjesëtarët e KFOR-it”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.