Ronaldo feston fitoren e Portugalisë në mënyrë speciale, futet në librin Guiness dhe shënon në minutën e fundit
![](https://albanianpost.com/wp-content/uploads/2023/06/05c01559596a77ade13da9b2ffcfbd12o2.jpg)
Portugalia mori një fitore të vështirë në mbrëmjen e kaluar, duke e mposhtur Islandën në udhëtim me rezultat 0:1.
Golin e vetëm në këtë ndeshje e shënoi Cristiano Ronaldo në minutën e fundit të ndeshjes.
Në fakt, goli ishte “qershia mbi tortë” për CR7, duke qenë se në fillimin e ndeshjes ai u fut në rekordet Guiness.
Cristiano's passion is simply amazing!🐐
After scoring over 800 GOALS, he still celebrates every goal as if it were his first.✨👏pic.twitter.com/PhGOAqjuPY— Everything Cristiano 𓃵 (@EverythingCR7_) June 21, 2023
Kjo për shkak se ndeshja ndaj Islandës ishte e 200-ta për Ronaldo-n me fanellën e kombëtares, një arritje që nuk ishte regjistruar ndonjë lojtar asnjëherë më parë.
Në momentin kur mori certifikatën e Guiness, Ronaldo theksoi edhe njëherë se 200 ndeshjet me Portugalinë faktojnë të gjithë dashurinë e tij për kombëtaren ndërsa shtoi se për të, rekordi me luzitanët ka një vlerë të veçantë.
Kështu, Ronaldo me Portugalinë vazhdon, teksa kapiteni pritet ta udhëheqë kombëtaren e tij edhe në Euro 2024.
Kujtojmë se CR7 është aktivizuar për herë të parë me Portugalinë në gushtin e vitit 2003 në një ndeshje ndaj Kazakistanit duke u shndërruar edhe në golashënuesin më të mirë të luzitanëve me 123 gola.
Me kombëtaren e tij, sulmuesi ia ka dalë edhe të fitojë trofe prestigjiozë siç ishte Kampionati Evropian në vitin 2016, pa lënë mënjanë edhe trofeun e Ligës së Kombeve në vitin 2019.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Gjiknuri për ndryshimet në Kodin Zgjedhor: Në 5 qarqe, votim dhe numërim elektronik
-
Obama mbështet hapur Harris: Do të bëhet një presidente fantastike e SHBA-ve
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”