Skuadra e Romës është duke synuar transferimin e futbollistit të Japonisë, Ritsu Doan, i cili shkëlqeu në Kampionat Botëror me kombëtaren e tij.
Sipas “Fussballtransfers.com” dhe “ASRomalive.it”, Roma i ka vënë sytë te Doan dhe tashmë është në negociata me shoqëruesit e lojtarit dhe përfaqësuesit e Freiburg-ut për të parë nëse marrëveshja është e mundur.
Mediat e lartcekura shkruajnë se skuadra e Freiburg-ut do të kërkojë rreth 20 milionë euro për ta liruar futbollistin e tyre.
Doan pati paraqitje shumë të mira me Japoninë në Botëror, i cili shënoi dy gola, nga një Spanjës dhe Gjermanisë, derisa këta të fundit i eliminuan në fazën e grupeve.
24-vjeçari, jo vetëm me Japoninë, por është duke pasur paraqitje shumë të mira edhe me Freiburg-un, me të cilët është që nga vera e kaluar, kur u bashkua nga PSV Eindhoven për shumën e 8.5 milionë eurove.
Në gjysmën e parë të këtij sezoni, japonezi shënoi katër gola dhe dhuroi po aq asistime në 22 ndeshje në të gjitha garat me fanellën e ekipit gjerman.
Doan luan kryesisht në krahun e djathtë, por mund të përshtatet mirë edhe në të majtë apo edhe në një rol më të thellë ‘trequartista’ qendror.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
