Roma po përgatitet të shesë Nicolo Zaniolo dhe ka filluar të shqyrtojë një sërë zëvendësuesish të mundshëm, duke përfshirë Hakim Ziyech të Chelsea-t dhe Gerard Deulofeu-n e Udinese-s.
“Calciomercato” detajon se si kryeqytetasit duan të marrin një lojtar të ri nëse sulmuesi italian largohet këtë muaj.
Mediumi i lartcekur shkruan se kjo është arsyeja pse ata nuk janë të gatshëm të marrin në konsideratë ndonjë marrëveshje huazimi që nuk përfshin një detyrim për të blerë Zaniolo-n.
#Calciomercato #Roma, da #Ziyech a #Deulofeu: Pinto tiene in ghiaccio il dopo #Zaniolo https://t.co/POr868ISSm
— calciomercato.com (@cmdotcom) January 24, 2023
Milan-i aktualisht po ofron rreth 25 milionë euro, por Roma shpreson të marrë 10 milionë euro më shumë, kështu që nevojiten bisedime të mëtejshme.
Zgjedhja kryesore për të zëvendësuar Zaniolo-n është Ziyech, i cili bëri paraqitje të mira në Kupën e Botës me Marokun.
29-vjeçari duket se nuk është pjesë e projektit të ardhshëm me blutë e Londrës dhe ka kontratë me klubin deri në vitin 2025, duke fituar rreth 6 milionë euro neto në sezon.
Megjithatë çmimi i futbollistit që raportohet që është prej 20 deri 25 milion euro, konsiderohet i lartë për klubin nga kryeqyteti i Italisë.
Një tjetër opsion është Gerard Deulofeu. Megjithatë edhe ai konsiderohet vështirë i arritshëm këtë muaj.
Aston Villa ia ka ofruar spanjollit një kontratë me vlerë prej rreth 4 milionë euro neto në sezon dhe skuadra nga Premier Leauge është gati t’ia ofrojë Udinese-s 20 milionë euro për shërbimet e tij.
Ide të tjera përfshijnë Lucas Moura, i cili së shpejti do të përfundojë kohën e tij me Tottenhamin dhe Adama Traore, kontrata e të cilit skadon me Wolves në fund të këtij sezoni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com